Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Refrigerator compressor: गरम अन्न फ्रिजमध्ये ठेवताय; वेळीच सावध व्हा, अन्यथा तुमचे आरोग्य आणि फ्रिज दोन्ही येतील धोक्यात
शिजवलेले गरम अन्न किंवा नुकतेच उकळलेले दूध अनेकजण लगेचच फ्रीजमध्ये ठेवतात. फ्रिजमध्ये गरम अन्न ठेवल्याने केवळ तुमचेच नाही तर फ्रीजचेही नुकसान होऊ शकते. अशा परिस्थितीत अन्न खराब होऊ शकते आणि दुसरे म्हणजे तुमच्या रेफ्रिजरेटरचा कम्प्रेसरही यामुळे खराब होऊ शकतो.
रेफ्रिजरेटरचा कंप्रेसर कसा होतो खराब
अचानक बाहेर जावे लागले तरी गरम अन्न किंवा उकळलेले दूध फ्रिजमध्ये ठेवण्याची चूक करू नका. फ्रीजचे कार्य म्हणजे वस्तूंचे तापमान कमी ठेवणे आणि फ्रीजमधील थंडपणा टिकवून ठेवणे. त्यासाठी त्यामध्ये कॉम्प्रेसर बसवला जातो. जेव्हा फ्रीजमध्ये इच्छित कूलिंग प्राप्त होते, तेव्हा कंप्रेसर काम करणे थांबवते. अशावेळी जर कोणतीही गरम वस्तू फ्रीजमध्ये ठेवली तर फ्रीजचे तापमान वाढते ज्यामुळे कंप्रेसरवरील भार वाढू लागतो आणि कंप्रेसरला जलद काम करावे लागते. जर एक किंवा दोन वेळा असे केले तर जेवण आणि फ्रीज खराब होणार नाही, पण जर हि गोष्ट वारंवार झाली तर तुमच्या फ्रीजचा कॉम्प्रेसर खराब होऊ शकतो आणि नंतर तुम्हाला त्यासाठी बराच खर्च करावा लागेल. कंप्रेसर दुरुस्त करण्यासाठी बराच वेळही खर्च करावा लागेल.
ऐकीव माहितीनुसार वापरू नका रेफ्रिजरेटर
आता प्रत्येक घरात रेफ्रिजरेटर आहे आणि उन्हाळ्यात त्याचा वापर लक्षणीय वाढतो. जर तुम्ही त्याचा योग्य पद्धतीने वापर केला नाही तर ते तुमच्याकडून खराब होऊ शकते. बऱ्याचदा लोक ऐकीव माहितीनुसार त्यांचा रेफ्रिजरेटर वापरतात. काही लोक तासनतास रेफ्रिजरेटर बंद ठेवतात. काही लोक आठवड्यातून एक ते दोन दिवस त्यांचे रेफ्रिजरेटर काही तासांसाठी बंद करतात.लोकांना वाटते की असे केल्याने त्यांचा फ्रीज चांगला राहील किंबहुना ते वीजेची बचत करतील.
पावसाळ्यातही फ्रिज ठेवा चालू
हिवाळ्यात किंवा पावसाळ्यातही गारवा वाढल्यावर बरेच लोक रेफ्रिजरेटर पूर्णपणे बंद करतात. हे करू नये. अशा परिस्थितीतही ते कमीत कमी 2 किंवा 3 क्रमांकावर ठेवावे .रेफ्रिजरेटर योग्य नंबरवर सेट न केल्यास त्यात ठेवलेल्या वस्तू खराब होऊ शकतात.