Google safety check: तुमचे गुगल अकाऊंट आहे का सेफ; ‘हे’ फीचर वापरून त्वरित तपासा

तुमचे इंटरनेट ब्राउझिंग पूर्णपणे सुरक्षित रहावे याची खात्री करण्यासाठी, Google अनेक सेफ्टी फीचर्स आणते. या फीचर्सपैकी एक म्हणजे ‘Google safety check’ या फीचरच्या मदतीने, आपण आपले Google अकाऊंट स्कॅन करू शकता आणि ते किती सेफ आहे ते पाहू शकता. विशेष बाब म्हणजे हे फीचर अँड्रॉईड फोन आणि वेब दोन्हीवर वापरता येणार आहे.

तुमच्या फोनवर गुगल सेफ्टी चेक कसे वापरावे

1. सर्वप्रथम, तुमच्या स्मार्टफोनमध्ये Google Chrome ब्राउझर उघडा.
2. यानंतर, वरच्या डाव्या कोपऱ्यात दिसणाऱ्या तीन डॉट्स आयकॉनवर क्लिक करा.
3. आता येथे तुम्हाला अनेक पर्याय दिसतील, तुम्हाला खाली स्क्रोल करून सेटिंग्ज पर्यायावर जावे लागेल.
4. पुढील विंडोमध्ये तुम्हाला खाली स्क्रोल करून safety check चा पर्याय दिसेल. त्यावर क्लिक करा.
5. आता तळाशी असलेल्या check now बटणावर टॅप करा.
6. यानंतर तुमच्या Google अकाऊंटचे स्कॅनिंग सुरू होईल.
7. येथे तुम्हाला सेफ तसेच कॉम्प्रमाईज केलेला मेल आयडी आणि पासवर्ड दिसू लागेल.
यानंतर तुमचे Google अकाऊंट किती सुरक्षित आहे हे तुम्ही पाहू शकाल. तुमचे कोणतेही खाते किंवा पासवर्ड धोक्यात आल्याचे तुमच्या लक्षात आल्यास, तुम्ही त्याचे त्वरित निराकरण करू शकता.

Google Chrome वेबवर कसे करावे सेफ्टी चेक

1. वेबवर हे फीचर वापरण्यासाठी, सर्वप्रथम तुमच्या लॅपटॉप किंवा कॉम्प्युटरमध्ये Google Chrome उघडा.
2. येथे तुम्हाला वरच्या डाव्या कोपऱ्यात दिसणाऱ्या तीन डॉट्स आयकॉनवर क्लिक करावे लागेल.
3. यानंतर, सेटिंग्ज पर्यायाच्या खाली दिसणाऱ्या प्रायव्हसी आणि सेफ्टी पर्यायावर जा.
4. आता तुम्हाला निळ्या रंगाचा go to safety check पर्याय दिसेल.
5. तुम्ही त्यावर क्लिक करताच, तुम्हाला सेफ तसेच कॉम्प्रमाईज केलेले पासवर्ड इ. दिसू लागतील.

इंटरनेट सेफ्टीसाठी काही महत्वाच्या टिप्स

• स्ट्राँग पासवर्डसह तुमची वैयक्तिक माहिती सुरक्षित करा.
• वैयक्तिक माहिती खाजगी ठेवा.
• तुमचे डिव्हाईस सुरक्षित असल्याची खात्री करा.
• सॉफ्टवेअर अपडेट्सकडे लक्ष द्या.
• वायफाय बद्दल काळजी घ्या.
• टू-फॅक्टर ऑथेंटिकेशन सेट करा.
• तुमच्या वैयक्तिक डेटाचा बॅकअप घ्या.