WhatsApp tips: व्हॉट्सॲप अकाउंट कधीही होणार नाही हॅक; जाणून घ्या ‘या’ महत्वाच्या टिप्स

टु स्टेप व्हेरिफिकेशन

हे व्हेरिफिकेशन म्हणजे जणु तुमच्या खात्याचा डोअर किपर आहे असे समजा. नवीन डिव्हाइसवर WhatsApp वर तुमचा नंबर रजिस्टर करतांना SMS व्हेरिफिकेशन कोड व्यतिरिक्त सहा-अंकी पिन मागून यातले टू स्टेप व्हेरिफिकेशन सेफ्टीची ॲडिशनल लेयर वाढवते.

फिंगरप्रिंट / फेस आयडी लॉक ॲक्टिव्ह

तुमचे चॅट कोणत्याही डोकावणाऱ्यासाठी खुल्या ठेवू नका. तुमच्या फोनवर फिंगरप्रिंट किंवा फेस आयडी लॉक फीचर चालू करा जेणेकरून तुमचा फोन अनलॉक असला तरीही इतर कोणीही WhatsApp ॲक्सेस करू शकणार नाही. जेव्हा तुम्ही तुमचा फोन कुठेतरी ठेवायला विसरता विशेषतः तेव्हा हे उपयुक्त ठरते.

माहिती ठेवा सुरक्षित

प्रत्येकाने तुमचे ‘last seen’ किंवा प्रोफाइल पिक्चर पाहण्याची गरज नाही. तुमच्या प्रायव्हसी सेटिंग्जचे रिव्ह्यू करा आणि तुमची प्रोफाइल इन्फॉर्मेशन, स्टेट्स अपडेट्स आणि लास्ट सीन कोण पाहू शकते ते सेट करा. तुमची प्रायव्हसी राखण्यासाठी फक्त तुमच्या कॉन्टॅक्टसाठी किंवा ते पूर्णपणे लपवण्याचा विचार करा.

फिशिंग लिंकपासून स्वतःला वाचवा

ईमेल प्रमाणे, WhatsApp मेसेजमध्ये देखील वाईट प्रवृत्तीचे लोक तुम्हाला लिंकवर क्लिक करून फसवण्याचा प्रयत्न करू शकतात. अनोळखी नंबरवरून येणारे मेसेज किंवा घाईघाईने काम किंवा खूप फायदेशीर डील मागणारे मेसेज यापासून सावध रहा. कोणताही मेसेज संशयास्पद वाटत असल्यास, त्यामध्ये दिलेल्या लिंकवर क्लिक करू नका आणि त्या नंबरची तक्रार करण्याचा विचार करा.

जोडलेले डिव्हाईस बघा

तुमचे खाते कुठे कुठे चालते आहे यावर लक्ष ठेवणे गरजेचे आहे. व्हॉट्सॲप तुम्हाला तुमच्या खात्यात सध्या कोणते डिव्हाइस लॉग इन केले आहे ते पाहू देते. तुम्हाला एखादे अज्ञात डिव्हाईस दिसल्यास, तुम्ही ते रिमोटली लॉग आउट करू शकता जेणेकरून कोणतीही अनधिकृत व्यक्ती ते वापरू शकणार नाही. विशेषत: सार्वजनिक संगणकावर व्हॉट्सॲप वापरल्यानंतर, वेळोवेळी तुमचे कनेक्ट केलेले डिव्हाइस तपासण्याची सवय लावा.