Tej Police Times
Loan App alert : मोबाईल ॲपच्या माध्यमातून फसवणुकीच्या घटनांमध्ये झपाट्याने वाढ होत आहे. त्याच वेळी, जर तुमच्या अँड्रॉइड फोनमध्ये लोन ॲप्स असतील तर तुम्हाला अधिक सावध राहण्याची गरज आहे. सरकारच्या सायबर गुन्हे विभाग CyberDost ने लोन ॲपबाबत युजर्सना इशारा दिला आहे. या लोन ॲपचे नाव आहे ‘CashExpand-U Finance’.
CyberDost ने X पोस्ट मध्ये दिला धोक्याचा इशारा
CyberDost ने एक X पोस्ट करून युजर्सना या ॲपबाबत सावध राहण्यास सांगितले आहे. CyberDost ने सांगितले की, या ॲपचे धोकादायक विदेशी कंपन्यांशी संबंध आहेत.
ॲप १ लाखाहून अधिक वेळा डाऊनलोड
1 लाखांहून अधिक डाउनलोड आणि 4.4 स्टार रेटिंग असलेल्या या ॲप प्रकरणाचे गांभीर्य लक्षात घेऊन हे ॲप Google Play Store वरून काढून टाकण्यात आले आहे. काढून टाकण्यापूर्वी, हे ॲप 1 लाखांहून अधिक वेळा डाउनलोड केले गेले होते. ॲपला 4.4 तारे रेटिंग मिळाले आणि 7 हजारांहून अधिक रिव्हयुज मिळाले होते.
CyberDost ने केले RBI ला टॅग
या ॲपमुळे युजर्सना कोणते धोके आहेत याची सविस्तर माहिती सायबर दोस्तने दिलेली नाही. सायबर दोस्तने पोस्टमध्ये RBI, Google Play आणि वित्त मंत्रालयाला देखील टॅग केले आहे.
कसे काढावे हे ॲप
- जर तुमच्या फोनमध्ये हे ॲप असेल तर यूजर्सने त्वरित हे ॲप काढून टाकावे. फोनमधून ॲप काढून टाकण्यासाठी सर्वप्रथम स्मार्टफोनच्या सेटिंग्जमध्ये जा.
- येथे दिलेल्या ॲप पर्यायावर टॅप करा आणि लोन ॲप शोधा.
- ॲप शोधल्यानंतर, पुढील पेजवर दिलेल्या अनइंस्टॉल ऑप्शनवर टॅप करा.
- असे केल्याने हे ॲप तुमच्या फोनवरून अनइंस्टॉल होईल.
- ॲप अनइंस्टॉल करण्यापूर्वी तुमचे खाते आणि डेटा हटवण्यास विसरू नका.
X वर Cyber Dost ला करा फॉलो
सायबर दोस्त हे एक सायबर-सुरक्षा आणि सायबर सुरक्षा जागरूकता हँडल आहे, ज्याची देखभाल गृह मंत्रालयाकडून केली जाते. जर तुम्ही X वर Cyber Dost फॉलो केले नसेल तर ते लगेच करा कारण इथे तुम्हाला सायबर सुरक्षेशी संबंधित महत्त्वाचे अपडेट्स मिळतील.
लेखकाबद्दलनंदिता रामेश्वर थोरातनंदिता थोरात हिने मास कम्युनिकेशन अँड जर्नालिझममध्ये मास्टर्स केले आहे. तिला पब्लिक रिलेशन्स, न्युज रायटिंग, फीचर रायटिंग, स्क्रिप्ट रायटिंग, एडिटिंग आदी मीडिया संबंधित कामांचा जवळपास १० वर्षांचा अनुभव आहे. जनरल फीचर्स, फायनान्स फीचर्स नंतर ती आता टेक्नोलॉजी विषयी लिहीत आहे. कामाव्यतिरिक्त तिला वाचनाची विशेष आवड असून हिंदी सिनेमा बघणे तसेच त्यावर समीक्षण नोंदवणेही आवडते…. आणखी वाचा