Tuesday Astrology : बजरंग बाण आणि हनुमान चालिसामध्ये काय फरक आहे?

Bajarang Baan :

बजरंग बाण आणि हनुमान चालिसा या दोन प्रार्थना आहेत, आणि दोन्ही बजरंगबली हनुमान यांना समर्पित आहेत. पण दोन्ही प्रार्थनांचा उद्देश, रचना, शैली आणि ऊर्जा वेगवेगळ्या आहेत. हनुमान चालिसा सौम्य आणि मधुर रचना आहे, आणि ही रचना हनुमानाची प्रशंसा करते. तर बजरंग बाण एक शक्तिशाली मंत्र आहे, जो नकारात्मक शक्तींविरोधात सुरक्षा देतो. बजरंग बाणात साऱ्या बीज मंत्रांचा स्तोत्र आहे, तो यंत्र, तंत्र, मंत्रच नाही तर आजारापासूनही संरक्षण देतो. बीज मंत्रापासून बनलेला स्तोत्र शक्तिशाली असते, जे एका शस्त्रासारखे काम करते.

हनुमान चालिसाचे पठण कोणीही आणि कधीही करू शकतो, तर बजरंग बाणाचे पठण करण्यासाठी मन मजबुत आणि शुद्ध असणे आवश्यक आहे. तसेच बजरंग बाणचे पठण करण्यासाठी विशिष्ट वेळ सांगितलेली आहे. हनुमान चालिसा पठणाने तुम्ही बजरंगबली हनुमानाची भक्ती करता, तर बजरंग बाण तुमच्या मनोकामना पूर्ण करते. बजरंग बाण आणि हनुमान चालिसा यात काही महत्त्वाचे फरक आहेत, जे समजून घेतल्याने तुम्हाला दोन्हींचे पठण केव्हा केले पाहिजे हे समजू शकेल.

1. हनुमान चालिसा

हनुमान चालिसाची रचना १६ व्या शतकात गोस्वामी तुलसीदास यांनी केली. यात चाळीस चरण आहेत. हनुमान चालिसा भगवान हनुमानाच्या गुणांची प्रशंसा करते आणि बजरंगबलीच्या दिव्य कार्यांचे वर्णन करते. याचे पठण भक्तांना शांती आणि समृद्धी देते, तसेच भीती, बाधा आणि नकारात्मक ऊर्जेपासून बचाव करते. तसेच आध्यात्मिक उत्थानही प्रदान करते. याची सुरुवात भगवान राम आणि सीतेकडे आशीर्वाद मागण्याने होते, कारण हनुमान श्रीरामचे निस्सिम भक्त आहेत. भगवान हनुमानाचा आशीर्वाद, सुरक्षा आणि शक्ती मिळावी यासाठी भक्तांकडून हनुमान चालिसाचा जप केला जातो.

2. बजरंग बाण

बजरंग बाणाची रचना स्वामी तुलसीदासांनी केली आहे आणि हा एक शक्तिशाली मंत्र आहे. हा मंत्र हनुमानाकडे सुरक्षा आणि नकारात्मक शक्तीपासून बचाव करण्याची मागणी करतो. बजरंग बाणाचे पठण मनोकामना पूर्ण करण्यासाठी केले जाते, आणि याच्या पठणाने मनोकामना पूर्णही होतात. परंतु याच्या शक्तिशाली ऊर्जेमुळे याचे पठण करताना काळजी घ्यावी लागते. बजरंग बाण याचा अर्थ वज्र बाण, वज्र शस्त्र अशा प्रकारे ही केला जातो. याचे पठण करतान बऱ्याच नियमांचे पालन करण्याबद्दल सांगितले जाते. शक्तिशाली प्रकृतीमुळे बजरंग बाणाचे पठण अत्यंत विनम्रतेने आणि सावधरीत्या करावे लागते.

जर तुमचे मन शुद्ध नसेल तर बजरंग बाणाच्या पठणामुळे तुमच्यातील राग वाढू शकतो, असे सांगितले जाते. बजरंग बाणाचे पठण करताना मध्ये मध्ये रामाचा जपही करावा. बजरंग बाणात मुख्यतः श्रीरामाबद्दल वचनाच्याही काही ओळी दिलेल्या असतात, यामुळे पूर्णतः श्रद्धेने जर बजरंग बाणाचे पठण केले नाही, तर भगवान हनुमान क्रोधित होण्याची शक्यता असते. तुम्ही जेवढे दिवस बजरंग बाणाचे पठण करणार आहात, ते दिवस ब्रह्मचर्याचे पूर्णतः पालन करणे आवश्यक आहे.