अंधारात ६ तास रणगाड्यावर, पण मदत मिळाली नाही; लडाखमधील नदीत बुडण्याआधी जवानांसोबत काय घडलं?

नवी दिल्ली: पूर्व लडाखमधील श्योक नदीत युद्धाभ्यासादरम्यान ५ जवानांचा मृत्यू झाला. या जवानांनी ६ तास मदतीची वाट पाहिली. मृत्यूशी त्यांचा संघर्ष सुरु होता. आता या घटनेची चौकशी सुरु आहे. १९ आणि २० जूनच्या दरम्यान रात्री ही घटना घडली. त्यावेळी लष्कराचे जवान एका टी-७२ रणगाड्यातून नदी ओलांडत होते. १३ हजार फूट उंचीवर हा युद्धाभ्यास सुरु होता. नदीची पाणी पातळी अचानक वाढल्यानं ही घटना घडली.

द ट्रिब्यूननं लष्करातील सुत्रांच्या हवाल्यानं दिलेल्या माहितीनुसार, रणगाडा पाण्यात अडकल्यानं आतमध्ये असलेले जवान बाहेर आले. ते रणगाड्यावर उभे राहिले. ते जवळपास ६ तास रणगाड्यावर उभे होते. त्यावेळी त्यांना वाचवण्याचे प्रयत्न सुरु होते. पण नदीचा प्रवाह वाढत गेला. त्यामुळे ते वाहून गेले. त्यावेळी श्योक नदीतील पाण्याचा वेग ४० किलोमीटर प्रतितास होता.
शाळेतलं प्रेम, शाही लग्न, मग दोघांनी आयुष्य संपवलं; मृत्यूंमध्ये काही तासांचं अंतर, कारण काय?
जवानांना वाचवण्यासाठी मदतकार्य सुरु करण्यात आलं. पण त्याला यश आलं नाही. मदतकार्य करण्यासाठी आलेलं एक पथक बचाव कार्य करताना अडचणीत सापडलं. ते बुडणार अशी स्थिती निर्माण झाली होती. पण सुदैवानं आणखी एक दुर्घटना टळली. अशा प्रकारच्या बचाव कार्यासाठी लष्कराकडे विशेष प्रकारच्या बोटी असतात. त्यांना BAUT (बोट असॉल्ट युनिव्हर्सल टाईप) म्हटलं जातं. अशा प्रकारची बोट बचाव कार्यासाठी पाठवण्यात आली होती. पण पाण्याचा प्रवाह जास्त असल्यानं बोट बुडाली आणि बचाव पथक कसंबसं वाचलं.

पूर्व लडाखमध्ये भारतीय सैन्यानं काही ठिकाणं निवडली होती. रणगाडे नदी ओलांडू शकतील अशी ठिकाणं सैन्यानं शोधली होती. रणगाड्यांमध्ये पाण्यांमध्ये तरंगण्याची आणि वाट काढण्याची क्षमता असते. १९-२० जूनच्या मध्यरात्री मिट्ट अंधारात सैन्याचा सराव सुरु होता. मृत्यूमुखी पडलेले ५ जवान सर्वात शेवटच्या रणगाड्यात होते. श्योक नदी रिमो कांगडीत उगम पावते. हा बर्फाळ भाग आहे. बर्फ वितळल्यानं नदीच्या पाण्याचा प्रवाह वाढला. श्योक नदी ६० ते ७० मीटर रुंद आहे.