Tej Police Times
Oneplus Pad 2: वनप्लस लाँच करणार नवीन टॅब; 67W फास्ट चार्जिंगसह, मिळेल 12.1 इंच डिस्प्ले आणि दमदार प्रोसेसर, किंमत जाणून घ्या
Oneplus Pad 2: वनप्लसचा नवीन पॅड उद्या म्हणजेच 16 जुलैला लाँच होणार आहे. लाँचच्या आधीच याची किंमत लीक झाली आहे. टिपस्टरने लीकमध्ये या पॅडच्या रिटेल बॉक्सची इमेजदेखील शेअर केली आहे. पॅडमध्ये कंपनी 67W चार्जिंगसह अनेक शानदार फीचर्स देणार आहे. कसा असेल हा नवीन पॅड जाणून घेऊया..
किंमत आणि बॉक्स इमेज
पॅडची किंमत आणि बॉक्स इमेज टिपस्टर योगेशने शेअर केली आहे. टिपस्टरच्या अनुसार वनप्लस पॅड 2 चे MRP 47,999 रुपये असेल, परंतु डिस्काउंटसह कंपनी ते 45,999 रुपयांमध्ये ऑफर करेल. ही किंमत पॅडच्या टॉप-एंड व्हेरिएंट म्हणजेच 12जीबी+256जीबीसाठी असू शकते. लीकमध्ये पॅडच्या अॅक्सेसरीजची किंमत देखील समोर आली आहे. लीकच्या अनुसार पॅडच्या कीबोर्डसाठी 11,999 रुपये खर्च करावे लागू शकतात. तसेच, वनप्लस स्टायलोची किंमत 5 हजार रुपये असू शकते.
पॅडमध्ये असलेले फिचर्स
मागील लीक्सनुसार कंपनी या पॅडमध्ये 3000×2120 पिक्सल रेजोल्यूशनसह 12.1 इंचाचा IPS LCD पॅनेल ऑफर करू शकते. हा डिस्प्ले 144Hz रिफ्रेश रेटला सपोर्ट करेल. डिस्प्लेचा पीक ब्राइटनेस लेव्हल 900 निट्सचा असू शकतो. हा डिस्प्ले डॉल्बी व्हिजनला देखील सपोर्ट करेल. नवीन पॅडला कंपनी दोन व्हेरिएंट 8जीबी + 12जीबी आणि 12जीबी + 256जीबीमध्ये लाँच करू शकते.
प्रोसेसर आणि कॅमेरा
प्रोसेसरच्या रूपात यामध्ये तुम्हाला स्नॅपड्रॅगन 8 जेन 3 चिपसेट मिळेल. फोटोग्राफीसाठी कंपनी या पॅडमध्ये 13 मेगापिक्सलचा रियर आणि 8 मेगापिक्सलचा फ्रंट कॅमेरा देणार आहे. याची बॅटरी 9510mAhची असेल, जी 67W फास्ट चार्जिंगला सपोर्ट करेल. दमदार साउंडसाठी यामध्ये तुम्हाला 6 स्पीकर्स मिळतील. पॅडसोबत कंपनी फोलियो केसदेखील ऑफर करू शकते.
लेखकाबद्दलगौरव कुलकर्णीगौरव कुलकर्णी महाराष्ट्र टाईम्स येथे कन्सल्टंट डिजिटल कंटेंट प्रोड्युसर म्हणून कार्यरत आहे. २ वर्षांपासून डिजिटल मीडियाच्या माध्यमातून अनेक क्षेत्रांविषयी लिहित आहे. त्याने यापूर्वी लाइफस्टाइल व अर्थ विषयात लिखाण केले आहे. Times internet संचलित MENSXP आणि Mahamoney.Com येथे त्याने काम केले आहे. यासोबतच त्याला विज्ञान व टेक्नोलॉजी या विषयात विशेष रस आहे. याव्यरिक्त तो लेखक, कवी आणि दिग्दर्शक देखील आहे…. आणखी वाचा