Tej Police Times
Moto G85 5G: पहिल्याच सेलमध्ये मिळतेय दणकट सूट; अशी आहे मोटोच्या नव्याकोऱ्या 5G फोनवरील ऑफर
Moto G85 5G Price In India: मोटो जी85 आजपासून बाजारात खरेदीसाठी उपलब्ध होईल. हा हँडसेट गेल्या आठवड्यात 50MP कॅमेरा, 5000mAh बॅटरी, 32MP सेल्फी कॅमेरा आणि 12GB RAM सह लाँच झाला होता.
Moto G85 5G ची किंमत आणि ऑफर
Moto G85 5G च्या 8GB रॅम व 128GB स्टोरेज व्हेरिएंटची किंमत 17,999 रुपये आहे. याचा 12GB+128GB स्टोरेज व्हेरिएंट 19,999 रुपयांमध्ये मिळत आहे. दोन्ही मॉडेलवर 1000 रुपयांचा बँक डिस्काउंट दिला जात आहे. त्याचबरोबर, 2,000 रुपये दरमहा ईएमआय मिळत आहे.
iQOO Z9 Lite 5G: फक्त 10 हजारांत IP64 रेटिंग असलेला वॉटर रेजिस्टंट फोन; 5G सह दमदार फीचर्स
Moto G85 5G चे स्पेसिफिकेशन
Moto G85 5G चे वजन 172 ग्राम आहे आणि याची जाडी 7.59 एमएम आहे. या डिव्हाइस मध्ये 6.67 इंचाचा फुल एचडी प्लस pOLED डिस्प्ले देण्यात आला आहे, ज्याचा रिफ्रेश रेट 120Hz आहे. याची स्क्रीन 1600 निट्स पीक ब्राइटनेसला सपोर्ट करते. यावर Gorilla Glass 5 प्रोटेक्शन ग्लास आहे.
स्मूद फंक्शनिंगसाठी मोटो जी85 मध्ये क्वॉलकॉमचा Snapdragon 6s Gen 3 चिपसेट देण्यात आला आहे. यात 12GB पर्यंत RAM आणि 256GB पर्यंत इंटरनल स्टोरेज मिळते. तसेच, हा डिव्हाइस Android 14 ऑपरेटिंग सिस्टमवर चालतो.
स्मार्टफोन ब्रँड मोटोरोलानं या स्मार्टफोनमध्ये 8MP चा मॅक्रो, अल्ट्रा वाइड अँगलला सपोर्ट करणारा सेकंडरी सेन्सर दिला आहे. तर OIS सपोर्टसह 50MP चा मुक्या कॅमेरा मिळतो. तसेच, डिवाइसच्या फ्रंटला 32MP चा कॅमेरा मिळतो.
Moto G85 फोन 5000mAh ची बॅटरीसह येतो. यात ड्युअल स्टीरियो स्पिकर मिळतात. सिक्योरिटीसाठी कंपनीनं फोनमध्ये फिंगरप्रिंट सेन्सर आणि फेस अनलॉकची सुविधा दिली आहे. तसेच, हँडसेटमध्ये ड्युअल सिम स्लॉट, वाय-फाय, जीपीएस, ब्लूटूथ आणि यूएसबी टाईप-सी पोर्ट सारखे कनेक्टिव्हिटी फीचर्स देण्यात आले आहेत.
अलीकडेच आलेला Moto Razr 50 Ultra
मोटो रेजर 50 अल्ट्रा अलीकडेच लाँच करण्यात आला आहे. या स्मार्टफोनची किंमत प्रीमियम रेंज मध्ये ठेवण्यात आली आहे. यात कव्हर स्क्रीन 4 इंच आणि मेन डिस्प्ले 6.9 इंचाचा आहे. या दोन्ही डिस्प्लेचा रिफ्रेश रेट 120Hz आहे. पावरसाठी डिव्हाइसमध्ये Snapdragon 8s Gen 3 चिपसेटचा समावेश करण्यात आला आहे. 12GB रॅम आणि 512GB इंटरनल स्टोरेज देण्यात आली आहे.
लेखकाबद्दलसिद्धेश जाधवसिद्धेश जाधव जवळपास 6 वर्ष डिजिटल मीडियामध्ये टेक्नोलॉजी विषयी लिहीत आहे. सुरुवातीपासूनच टेक विषयी माहिती वाचकांना समजेल अशा सोप्या शब्दात मांडण्याचा प्रयत्न त्याने केला आहे. कामाव्यतिरिक्त सिद्धेशला प्रवास करायाला आवडतं. नेहमीच तो वेगवेगळ्या गड किल्ल्यांवर आणि ऐतिहासिक ठिकाणी फिरत असतो. फावल्या वेळात त्याला चित्रपट बघायला आवडतात. कधीकधी तो आपल्या भावना आणि विचार चारोळ्यांच्या माध्यमातून व्यक्त करतो…. आणखी वाचा