Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Surya Gochar 2024 In Marathi : सूर्याचे कर्क राशीत संक्रमण! मेषसह ४ राशींनी आरोग्याची काळजी घ्या, आर्थिक चणचण भासेल
Surya Sankraman 2024 In Marathi :
ज्योतिषशास्त्रानुसार १६ जुलैला सूर्याचा कर्क राशीत प्रवेश होणार आहे. सूर्य हा ग्रह कुंडलीतील सगळ्यात मजबूत ग्रह मानला जातो. त्यामुळे व्यक्तीला ऊर्जा, आत्मविश्वास आणि शक्ती प्राप्त होते. तसेच व्यक्तीला त्याच्या करिअरमध्ये प्रगती आणि उन्नती मिळते.
सूर्याचा कर्क राशीत प्रवेश झाल्यामुळे पुढील महिनाभर १२ राशींसाठी हे संक्रमण फायदेशीर राहिल. १५ ऑगस्टपर्यंत सूर्य कर्क राशीत राहाणार आहे. या संक्रमणाला कर्क संक्राती असे म्हटले जाते. मेष ते मीन राशीपर्यंत सूर्य संक्रमणाचा शुभ आणि अशुभ प्रभाव पडेल. जाणून घेऊया १२ राशींवर कसा परिणाम होईल त्याविषयी
ज्योतिषशास्त्रानुसार १६ जुलैला सूर्याचा कर्क राशीत प्रवेश होणार आहे. सूर्य हा ग्रह कुंडलीतील सगळ्यात मजबूत ग्रह मानला जातो. त्यामुळे व्यक्तीला ऊर्जा, आत्मविश्वास आणि शक्ती प्राप्त होते. तसेच व्यक्तीला त्याच्या करिअरमध्ये प्रगती आणि उन्नती मिळते.
सूर्याचा कर्क राशीत प्रवेश झाल्यामुळे पुढील महिनाभर १२ राशींसाठी हे संक्रमण फायदेशीर राहिल. १५ ऑगस्टपर्यंत सूर्य कर्क राशीत राहाणार आहे. या संक्रमणाला कर्क संक्राती असे म्हटले जाते. मेष ते मीन राशीपर्यंत सूर्य संक्रमणाचा शुभ आणि अशुभ प्रभाव पडेल. जाणून घेऊया १२ राशींवर कसा परिणाम होईल त्याविषयी
मेष – आईच्या आरोग्याची काळजी घ्या
मेष राशीच्या लोकांसाठी सूर्याचे संक्रमण अधिक आव्हानात्मक असणार आहे. आईच्या तब्येतीत चढ-उतारांचा सामना करावा लागू शकतो. आईच्या आरोग्याची काळजी घ्या. या काळात कामाच्या ठिकाणी सहकाऱ्यांशी बोलताना विचारपूर्वक बोला. वादांपासून जितके दूर राहाल तितके चांगले. तुमचे शब्द इतरांवर प्रभाव टाकतील. विद्यार्थ्यांसाठी हा काळ चांगला असणार आहे. तुम्हाला कुटुंबाची मदत मिळेल. शिक्षणातील अडथळे दूर होतील
वृषभ – कामाचे कौतुक होईल
वृषभ राशीसाठी हे संक्रमण शुभ ठरणार आहे. या लोकांच्या धैर्यात आणि शौर्यात वाढ होईल. कोणताही निर्णय घेताना तुमचे कौतुक केले जाईल. सामाजिक प्रतिष्ठा वाढण्याची शक्यता आहे. या काळात तुमच्या ऊर्जेचा पूर्ण वापर केल्याने तुम्हाला यश मिळेल. लहान भावंडांसोबत मतभेद असतील ते वाढू देऊ नका. अध्यात्मिक बाबतीत रस वाढेल.
मिथुन – रागावर नियंत्रण ठेवा
सूर्याचे संक्रमण मिथुन राशीसाठी संमिश्र परिणाम देईल. या काळात तुम्हाला आरोग्याच्या समस्यांना सामोरे जावे लागेल. आरोग्याची काळजी घ्या. डोळ्यांशी संबंधित काही समस्या येतील. तुमच्या हट्टीपणा आणि रागावर नियंत्रण ठेवा. कोर्टाशी संबंधित काही प्रकरणे असल्यास बाहेर सोडवण्याचा प्रयत्न करा. वडिलोपार्जित मालमत्तेसंबंधित प्रकरणावर आज निकाल लागेल. कामाच्या ठिकाणी कटकारस्थानाचा बळी पडू नका. घरातील वातावरण थोडे तणावपूर्वक असेल.
कर्क – सरकारी कामे पूर्ण होतील
सूर्याचे संक्रमण कर्क राशीसाठी चांगले परिणाम देईल. आरोग्याच्या दृष्टीतून शारीरिक समस्यांना सामोरे जावे लागेल. शरीरात कोणत्याही गोष्टीची कमतरता भासू देऊ नका. सरकारी कामे लवकरच पूर्ण होतील. व्यवसाय करणाऱ्यांसाठी हा काळ चांगला असेल. वरिष्ठांची संवाद साधल्याने चांगले परिणाम मिळतील.
सिंह – आर्थिक चणचण भासेल
सिंह राशीच्या लोकांसाठी सूर्याचे संक्रमण अनुकूल नसेल. या काळात अधिक धावपळ करावी लागेल. आर्थिक संकटांचा सामना करावा लागू शकतो. पालकांच्या आरोग्याची काळजी घ्या. विद्यार्थ्यांसाठी हा काळ चांगला असेल. मुलांच्या चिंतेमुळे तुम्ही अधिक अस्वस्थ व्हाल.
कन्या- उत्पन्नाचे नवीन स्त्रोत
या राशीसाठी सूर्याचे संक्रमण फायदेशीर ठरणार आहे. तुमच्या उत्पन्नाच्या स्त्रोतात वाढ होईल. तुमची निर्णय घेण्याची क्षमता सुधारेल. त्यामुळे तुम्हाला चांगला फायदा होईल. या काळात तुम्हाला मोठ्या डील साइन कराव्या लागतील. नवविवाहितांना आनंदाची बातमी मिळेल. वरिष्ठांमध्ये वाद होऊ शकतात.
तुळ – यश प्राप्त होईल
तुळ राशीसाठी सूर्याचे संक्रमण अत्यंत लाभदायक असेल. तुम्हाला या काळात नवीन मोठे यश प्राप्त होईल. विचार केलेल्या रणनीती प्रभावी ठरतील. राजकारणाशी निगडित लोकांसाठी हे संक्रमण अनुकूल असेल. सरकारी क्षेत्रात काम करणाऱ्यांसाठी हा काळ फायदेशीर ठरेल. कामाच्या ठिकाणी उच्च अधिकाऱ्यांचे सहकार्य मिळेल.
वृश्चिक – नवीन योजना कराल
वृश्चिक राशीच्या लोकांना सूर्याचे संक्रमण मोठे यश देईल. नशिबात वाढ होण्याची शक्यता आहे. धर्म आणि अध्यात्मात रस वाढेल. शौर्याच्या बळावर तुम्ही प्रत्येक परिस्थितीवर मात कराल. तुमच्या नवीन योजना कोणासोबतही शेअर करु नका.
धनु – सन्मानात वाढ
धनु राशीच्या लोकांसाठी सूर्याचे संक्रमण भाग्यकारक ठरेल. या काळात मालमत्तेशी संबंधित निकाल तुमच्या बाजूने लागेल. तुमच्या मानात वाढ होईल. परंतु आरोग्याची काळजी घ्यावी लागेल. शत्रू तुमच्याविरुद्ध कट रचू शकतात. काही वाद असतील तर ते घराबाहेर सोडवा.
मकर – वैवाहिक जीवनात अडचणी
मकर राशीच्या लोकांसाठी सूर्याचे संक्रमण वैवाहिक जीवनात अडचणी निर्माण करु शकते. सासरच्यांशी मतभेद वाढू शकतात. संबंध जपण्यासाठी अधिक काळजी घ्या. व्यवसायिकदृष्टीकोनातून ग्रहांचे संक्रमण चांगले राहिल. वाद आणि न्यायलयाशी संबंधित प्रकरणे तुमच्या बाजूने असतील. सरकारी कामे पूर्ण करण्यासाठी ही वेळ अनुकूल असेल.
कुंभ – व्यवसायात वाढ होईल
कुंभ राशीच्या लोकांसाठी सूर्याचे संक्रमण लाभदायक ठरेल. काही गोष्टीत सावधगिरी बाळगा. नोकरी व्यवसायात वाढ होईल. निर्णय तुमच्या बाजूने असतील. विद्यार्थ्यांना परीक्षेत चांगला निकाल मिळवण्यासाठी अधिक प्रयत्न करावे लागतील. प्रेमसंबंधात उदासीनता येईल. व्यवसायावर लक्ष केंद्रित करणे फायद्याचे ठरेल. मुलांशी संबंधित चिंता तुम्हाला सतावू शकते.
मीन – प्रेम जीवनात चढ-उतार
मीन राशीच्या लोकांसाठी सूर्याचे संक्रमण चांगले असणार आहे. या काळात तुमचा मान-सन्मान वाढेल. तुमची आध्यात्मिक प्रगती देखील होईल. आर्थिक स्थिती मजबूत होणार आहे. तुम्हाला नवीन उत्पन्नाचे स्त्रोत मिळतील. उधार दिलेले पैसे तुम्हाला लवकरच मिळतील. प्रेम जीवनात चढ-उताराचा सामना करावा लागेल.