Tej Police Times
Sennheiser Momentum Sport: दमदार फिचर्ससह तुमचे फिटनेस परफेक्ट ट्रॅक करतील हे फ्लॅगशिप एअरबड्स, किंमत जाऊन घ्या
Sennheiser Momentum Sport: अलीकडेच Momentum Sport earbuds हे नवीन इअरबड्स लाँच झाले आहेत. Sennheiser कंपनीने हे खास ॲथलीट्स आणि फिटनेस फ्रीकसाठी डिझाइन केले गेले आहेत. हे फिटनेस इयरबड्स इन-इअर हार्ट रेट आणि बॉडी टेंपरेचर सेन्सर्स सारख्या फिचर्ससह येतात. या इअरबड्सची किंमत आणि फिचर्स जाणून घेऊया..
मोमेंटम स्पोर्ट इयरबड्सचे फिचर्स
मोमेंटम स्पोर्ट इयरबड्समध्ये देण्यात आलेले PPG हार्ट रेट सेन्सर आणि बॉडी टेंप्रेचर सेंसर फिटनेस ॲप्स आणि डिव्हाइसेसवर डेटा ट्रान्सफर करतात. चांगली गोष्ट म्हणजे इअरबड्स फिजीकल मूव्हमेंटस् दरम्यानही कानातून पडत नाहीत आणि चांगल्या प्रकारे डेटा ट्रॅकिंग करू शकतात.
मोमेंटम स्पोर्ट इयरबड्समध्ये शक्तिशाली बाससाठी 10 मिमी ट्रान्सड्यूसर आहे. आसपासचा आवाज कमी करण्यासाठी एक विशेष मोड देखील आहे जो तुम्ही चालू किंवा बंद करू शकता. तसेच, तुम्ही तुमच्या आवडीनुसार सराऊंड साऊंड ऐकण्यासाठी मोड ट्रांसपरंसीमध्ये बदलू शकता. हे इयरबड वायरलेस आहेत आणि ब्लूटूथद्वारे कनेक्ट होतात. यामध्ये चांगल्या आवाजासाठी अनेक फिचर्स देखील यात देण्यात आले आहेत.
या इअरबड्सच्या सहाय्याने कानातून घेतलेले टेंप्रेचर रीडिंग हे घड्याळ्यातील रीडिंगपेक्षा अधिक अचूक असल्याचे कंपनीने म्हटले आहे. त्याचा हार्ट रेट सेन्सर 30 ते 220 bpmच्या रेंजमधील बीट्स प्रति मिनिट ट्रॅक करू शकतो. या इअरबड्समध्ये थ्री-ऍक्सिस एक्सीलरोमीटर, कॉल आणि ऑडिओ प्लेबॅक फंक्शन्स मॅनेज करण्यासाठी इन्फ्रारेड सेन्सर आणि कॅपेसिटिव्ह टच सेन्सर आहेत.
मोमेंटम स्पोर्ट इअरबड्स बॅटरी
IP54 रेटिंगसह येत असलेल्या, या बड्स एका चार्जिंगमध्ये 6 ते 24 तासांचा प्लेबॅक टाईम देतात. ते फक्त 10 मिनिटांच्या चार्जिंगमध्ये 1 तास वापरले जाऊ शकतात.
मोमेंटम स्पोर्ट इअरबड्सची किंमत
Sennheiser Momentum Sport earbuds ची किंमत 27,990 रुपये आहे. हे ब्लॅक, ऑलिव्ह आणि मेटॅलिक ग्रेफाइट शाडो कलरमध्ये खरेदी केले जाऊ शकतात. तुम्ही हे कंपनीच्या वेबसाइट, Amazon आणि Flipkart वरून बुक करू शकता. कंपनी इयरबड्सवर 2 वर्षांची वॉरंटी देत आहे.
लेखकाबद्दलगौरव कुलकर्णीगौरव कुलकर्णी महाराष्ट्र टाईम्स येथे कन्सल्टंट डिजिटल कंटेंट प्रोड्युसर म्हणून कार्यरत आहे. २ वर्षांपासून डिजिटल मीडियाच्या माध्यमातून अनेक क्षेत्रांविषयी लिहित आहे. त्याने यापूर्वी लाइफस्टाइल व अर्थ विषयात लिखाण केले आहे. Times internet संचलित MENSXP आणि Mahamoney.Com येथे त्याने काम केले आहे. यासोबतच त्याला विज्ञान व टेक्नोलॉजी या विषयात विशेष रस आहे. याव्यरिक्त तो लेखक, कवी आणि दिग्दर्शक देखील आहे…. आणखी वाचा