TRAI Report: जिओ, एअरटेल, व्हीआय बहिष्काराचा काय आहे परिणाम; मोबाईल रिचार्ज वाढल्यानंतर आला ट्रायचा पहिला अहवाल

By tejpolicetimes On Jul 17, 2024

TRAI Report: ट्रायने मे 2024 चा अहवाल जारी केला आहे. या अहवालात दर महिन्याला युजर्सची वाढ आणि घट याची माहिती देण्यात आली आहे. मे महिन्याच्या या अहवालानुसार टेलिकॉम कंपन्यांमध्ये पुन्हा एकदा जिओचा दबदबा कायम आहे, प्रत्येक वेळी प्रमाणेच व्होडाफोन-आयडियाची स्थिती बिकट होताना दिसत आहे, तर जिओला एअरटेलकडून मात्र जोरदार स्पर्धेचा सामना करावा लागत आहे.

महाराष्ट्र टाइम्स.कॉम

देशातील तीन सर्वात मोठ्या टेलिकॉम कंपन्या Jio, Airtel आणि Vodafone-Idea ने अलीकडेच मोबाईल रिचार्ज प्लॅन महाग केले आहेत, ज्यामुळे सोशल मीडियावर Jio, Airtel आणि Vi वर बहिष्कार टाकण्याची मोहीम सुरू आहे. या तीन टेलिकॉम ऑपरेटर्सच्या स्पर्धेत सध्या सरकारी टेलिकॉम कंपनी बीएसएनएल देखील आहे, ज्याची परिस्थिती सर्वांनाच माहीत आहे. BSNL कडे 4G कनेक्टिव्हिटी आहे, जी देशात सगळीकडे उपलब्ध नाही. तसेच नेटवर्क गुणवत्ता हा एक वेगळा मुद्दा आहे. दरम्यान, सरकारी संस्था टेलिकॉम रेग्युलेटरी अथॉरिटी ऑफ इंडिया म्हणजेच ट्रायने स्वतःचा मासिक अहवाल जारी करून परिस्थिती व्यक्त केली आहे. हा TRAI चा मे 2024 चा अहवाल आहे, तोपर्यंत भारतात मोबाईल रिचार्जची किंमत वाढलेली नव्हती.

जिओ बनला मार्केट लीडर

जर आपण TRAI च्या मे 2024 च्या अहवालावर नजर टाकली तर, मुकेश अंबानीची रिलायन्स जिओ ही बाजारात आघाडीवर राहिली आहे, ज्याला भारती एअरटेलकडून जास्तीत जास्त स्पर्धेचा सामना करावा लागत आहे, तर व्होडाफोन-आयडिया, प्रत्येक वेळी आपल्या कामगिरीची पुनरावृत्ती करत आहे, ते सतत ग्राहक गमावत आहे. थोडक्यात व्होडाफोन-आयडियाने मैदान सोडले आहे.

जिओ आणि एअरटेल आहेत आघाडीवर

जर आपण आकडेवारीनुसार बोललो तर जिओने मे महिन्यात सुमारे 22 लाख नवीन ग्राहक जोडले आहेत. हे तेच ग्राहक आहेत जे BSNL आणि VI सेवा सोडत आहेत. यामध्ये महिना दर महिना 0.46 टक्के वाढ नोंदवली गेली आहे, तर Jio च्या स्पर्धक एअरटेलने मे महिन्यात 12.5 लाख नवीन ग्राहक जोडले आहेत. अशाप्रकारे, एअरटेलच्या ग्राहक जोडणीच्या दरात महिना दर महिना 0.32 टक्के वाढ नोंदवली गेली आहे.

आकडेवारीत आहे Vi मागे

या डेटा गेममध्ये व्होडाफोन-आयडिया मागे पडली आहे. कंपनीने मे 2024 मध्ये 9,24,797 ग्राहक गमावले, जी गेल्या तीन महिन्यांतील Vi ची सर्वात वाईट कामगिरी आहे. या कालावधीत मासिक 0.42 टक्के घट नोंदवण्यात आली आहे.

लेखकाबद्दलनंदिता रामेश्वर थोरातनंदिता थोरात हिने मास कम्युनिकेशन अँड जर्नालिझममध्ये मास्टर्स केले आहे. तिला पब्लिक रिलेशन्स, न्युज रायटिंग, फीचर रायटिंग, स्क्रिप्ट रायटिंग, एडिटिंग आदी मीडिया संबंधित कामांचा जवळपास १० वर्षांचा अनुभव आहे. जनरल फीचर्स, फायनान्स फीचर्स नंतर ती आता टेक्नोलॉजी विषयी लिहीत आहे. कामाव्यतिरिक्त तिला वाचनाची विशेष आवड असून हिंदी सिनेमा बघणे तसेच त्यावर समीक्षण नोंदवणेही आवडते…. आणखी वाचा

Source link