Union Budget App: उद्याच्या अर्थसंकल्पीय भाषणापासून ते हायलाइट्सपर्यंत सर्व माहिती मिळवा एकाच सरकारी ॲपमध्ये

By tejpolicetimes On Jul 22, 2024

Union Budget App: तुम्हालाही आगामी अर्थसंकल्पासंबंधी सर्व माहिती मिळवायची असेल, तर सरकारचे अधिकृत बजेट ॲप ‘युनियन बजेट ॲप’ तुमच्यासाठी उपयुक्त ठरेल. ‘युनियन बजेट ॲप’ गुगल प्ले स्टोअरवरून डाउनलोड केले जाऊ शकते. हे ॲप नॅशनल इन्फॉर्मेटिक्स सेंटरने विकसित केले आहे. आतापर्यंत हे ॲप १ लाखांहून अधिक डाउनलोड झाले आहे.

महाराष्ट्र टाइम्स.कॉम

उद्या म्हणजेच 23 जुलै रोजी अर्थमंत्री निर्मला सीतारामन संसदेत अर्थसंकल्प सादर करणार आहेत. उद्या सादर होणारा हा अर्थसंकल्प देशातील प्रत्येक वर्गासाठी विशेष महत्वाचा असेल. अर्थसंकल्पाबाबत प्रत्येक कमावत्या वर्गाच्या वेगवेगळ्या अपेक्षा असतात. अशात उद्याचे बजेट तुमच्या अपेक्षा पूर्ण करतेय कि नाही हे सोप्या रीतीने जाणून घेण्यासाठी सरकारचे अधिकृत बजेट ॲप म्हणजेच ‘युनियन बजेट ॲप’ तुमच्यासाठी उपयुक्त ठरेल. याठिकाणी या केंद्रीय अर्थसंकल्प ॲपशी संबंधित सर्व माहिती देत आहोत.

अर्थसंकल्पाशी संबंधित माहिती लेखी स्वरूपात

‘युनियन बजेट’ ॲप एकाच ठिकाणी अर्थसंकल्पाशी संबंधित माहिती लेखी स्वरूपात सादर करते. 23 जुलै रोजी सादर होणाऱ्या अर्थसंकल्पापूर्वी तुम्ही हे ॲप तुमच्या फोनवर डाऊनलोड केल्यास, 1 फेब्रुवारीला सादर होणाऱ्या अंतरिम अर्थसंकल्पाची सर्व माहिती तुम्ही वाचू शकता. ॲपमध्ये बजेटशी संबंधित माहिती पीडीएफ फॉरमॅटमध्ये उपलब्ध आहे.

ॲप किती भाषांमध्ये वापरता येईल?

केंद्रीय बजेट ॲप इंग्रजी आणि हिंदीमध्ये वापरण्याची सुविधा आहे. ॲप डाउनलोड केल्यानंतर, तुम्ही तुमच्या सोयीनुसार भाषा निवडू शकता आणि सर्व कागदपत्रे वाचू शकता.

तुम्ही दस्तऐवज डाउनलोड करू शकता

या ॲपमध्ये नागरिकांसाठी कागदपत्रे डाउनलोड करण्याची सुविधाही देण्यात आली आहे. तुम्ही बजेटशी संबंधित कोणतेही दस्तऐवज वाचता तेव्हा ते डाऊनलोड करण्याचा पर्याय त्याच्या अगदी वर दिसतो. डाउन ॲरो आयकॉनवर क्लिक केल्यावर, बजेट डॉक्युमेंट पीडीएफ फॉरमॅटमध्ये फोनवर डाउनलोड केले जाते.

करा गुगल प्ले स्टोअरवरून डाउनलोड

युनियन बजेट ॲप गुगल प्ले स्टोअरवरून डाउनलोड केले जाऊ शकते. हे ॲप नॅशनल इन्फॉर्मेटिक्स सेंटरने विकसित केले आहे. आतापर्यंत हे ॲप १ लाखांहून अधिक डाउनलोड झाले आहे. रेटिंगबद्दल बोलायचे झाल्यास, ॲपला प्ले स्टोअरवर 3+ रेटिंग मिळाले आहे.

‘युनियन बजेट’ ॲप हायलाईट

1. तुम्ही Play Store वरून Union Budget ॲप डाउनलोड करू शकता.
2. हे ॲप नॅशनल इन्फॉर्मेटिक्स सेंटरने विकसित केले आहे.
3. हे ॲप आतापर्यंत 1 लाखाहून अधिक वेळा डाउनलोड केले गेले आहे

लेखकाबद्दलनंदिता रामेश्वर थोरातनंदिता थोरात हिने मास कम्युनिकेशन अँड जर्नालिझममध्ये मास्टर्स केले आहे. तिला पब्लिक रिलेशन्स, न्युज रायटिंग, फीचर रायटिंग, स्क्रिप्ट रायटिंग, एडिटिंग आदी मीडिया संबंधित कामांचा जवळपास १० वर्षांचा अनुभव आहे. जनरल फीचर्स, फायनान्स फीचर्स नंतर ती आता टेक्नोलॉजी विषयी लिहीत आहे. कामाव्यतिरिक्त तिला वाचनाची विशेष आवड असून हिंदी सिनेमा बघणे तसेच त्यावर समीक्षण नोंदवणेही आवडते…. आणखी वाचा

Source link