भारतातील आयफोन उत्पादक कंपनी फॉक्सकॉन पुन्हा एकदा वादात सापडली आहे. हे प्रकरण विवाहित महिलांना प्लांटमध्ये नोकरी न देण्याशी संबंधित आहे. ॲपल पुरवठादार फॉक्सकॉन दक्षिणेकडील राज्यातील आयफोन असेंब्ली प्लांटसाठी विवाहित महिलांना कामावर घेण्यास नकार देत असल्याच्या मीडिया वृत्तांवर मनसुख मांडविया यांच्या नेतृत्वाखालील केंद्रीय कामगार मंत्रालयाने तामिळनाडू सरकारकडून अहवाल मागवला आहे.

समान मोबदला कायदा 1976

कामगार मंत्रालयाने राज्याच्या कामगार विभागाकडून याप्रकरणी सविस्तर अहवाल मागितला आहे. कामगार मंत्रालयाने म्हटले आहे की, समान मोबदला कायदा 1976 नोकरीमध्ये स्त्री आणि पुरुष यांच्यातील भेदभावाला प्रतिबंधित करतो. कामगार मंत्रालयाने आपल्या निवेदनात म्हटले आहे की, फॉक्सकॉनच्या विवाहित महिलांना दूर ठेवण्याच्या आरोपांना पुष्टी देण्यासाठी अहवाल मागवण्यात आला आहे आणि समान वेतन कायद्याची अंमलबजावणी करण्यासाठी राज्य सरकारला योग्य अधिकार आहे.

भारत पर्यायी उत्पादन केंद्र

ॲपल भारताकडे पर्यायी उत्पादन केंद्र म्हणून पाहते कारण तिला आपली विस्तृत सप्लाय चेन चीनच्या बाहेर हलवायची आहे. फॉक्सकॉन, ज्याने 2019 मध्ये आपला प्लांट स्थापित केला, त्याच्या भारतातील प्लांटमध्ये मोठ्या प्रमाणात गुंतवणूक केली आहे.

25% नवीन नोकरदार विवाहित महिला तर 70% कर्मचारी महिला, फॉक्सकॉनचे स्पष्टीकरण

दुसरीकडे, फॉक्सकॉनने सरकारला स्पष्ट केले की, नवीन नियुक्त्यांपैकी 25 टक्के विवाहित महिला आहेत. फॉक्सकॉनने केवळ हिंदू महिलांनाच नव्हे तर सर्वांसाठी सुरक्षा प्रोटोकॉल लागू करण्यावर भर दिला. सुरक्षा प्रोटोकॉलवर बंदी घालणे हा भेदभाव केला जाणार नाही. हा चुकीचा अर्थ असल्याचे सांगत त्यांनी मीडिया रिपोर्ट्स फेटाळून लावले.

सेफ्टी प्रोटोकॉल सर्वांना समान

Apple iPhone निर्माता फॉक्सकॉनने सरकारला कळवले आहे की त्यांच्या नवीन नियुक्त्यांपैकी 25 टक्के विवाहित महिला आहेत आणि त्यांच्या सेफ्टी प्रोटोकॉलमध्ये सर्व कर्मचाऱ्यांनी लिंग किंवा धर्माचा विचार न करता धातू परिधान करणे टाळणे आवश्यक आहे. सरकारसोबत शेअर केलेल्या अनौपचारिक नोटमध्ये फॉक्सकॉनने असे नमूद केले की, अशा अटी त्यांच्या धोरणाचा भाग नाहीत आणि हे दावे अशा व्यक्तींनी केले असावेत ज्यांना कामावर घेतले नाही, अशा मीडिया रिपोर्ट्स वेगाने वाढणाऱ्या भारतीय उत्पादन क्षेत्राला बदनाम करत असल्याचेही सांगण्यात आले.

धातू घालणे हा सुरक्षेचा मुद्दा

फॉक्सकॉनने स्पष्ट केले होते की फॉक्सकॉन कारखान्यात सध्या सुमारे 70 टक्के महिला आणि 30 टक्के पुरुष आहेत आणि तामिळनाडू कारखाना हा देशातील महिलांच्या रोजगारासाठी सर्वात मोठा कारखाना आहे. कंपनीने असेही कळवले आहे की हिंदू विवाहित महिलांशी धातू (दागिने) परिधान केल्याबद्दल भेदभाव केला जात असल्याची चर्चा संपूर्णपणे चुकीची आहे आणि अशा कारखान्यांमध्ये धातू घालणे हा सुरक्षेचा मुद्दा आहे, ही वस्तुस्थिती उद्योग आणि सरकार दोघांनीही ओळखली आहे. .

Apple आज जगातील सर्वात मोठ्या स्मार्टफोन उत्पादकांपैकी एक आहे, त्यांना दरवर्षी मिळणाऱ्या यशामुळे त्यांचे iPhones जगभरात सर्वाधिक पसंत केले जातात. परंतु, तुम्हाला हे जाणून आश्चर्य वाटेल की, अशा प्रसिद्ध आयफोनच्या निर्मितीमागे अनेक कुशाग्र बुद्धिमत्तेच्या टीमसह हा मोबाईल बनविण्याबाबत सुरवातीपासूनच साशंक चालणारे एक सीईओ देखील होते. आयफोनची आज विक्रमी विक्री होत असली, तरी Apple सह-संस्थापक स्टीव्ह जॉब्स नेहमी या कल्पनेच्या बाजूने नव्हते. खरं तर, सुरुवातीला त्यांचा असा विश्वास होता की ॲपल ने स्वतःचे फोन बनविणे योग्य नाही.

ॲपल आयफोन बनवण्यामागे रंजक कथा

ॲपलने असा यशस्वी आयफोन बनवण्यामागे एक रंजक कथा आहे. ‘द वन डिव्हाईस: द सीक्रेट हिस्ट्री ऑफ द आयफोन’ या पुस्तकात लेखक ब्रायन मर्चंट स्पष्ट करतात की, ॲपलचे सह-संस्थापक स्टीव्ह जॉब्स सुरुवातीला स्मार्टफोन बनवण्याच्या विरोधात होते. 2005 मध्ये, स्टीव्ह जॉब्स म्हणाले, “फोन बनवताना समस्या अशी आहे की, आम्हाला फोन युजर्सपर्यंत पोचवण्यासाठी अनेक मोबाईल नेटवर्क कंपन्यांशी (एअरटेल, जिओ सारख्या) वाटाघाटी कराव्या लागतील आणि आम्ही या कामात फारसे काही चांगले नाही.’’ कोणता फोन आपल्या नेटवर्कवर चालवायला कोणती कंपनी परवानगी देईल याचीही त्यांना चिंता होतीच. तसेच,त्यांना असे वाटले की, कदाचित स्मार्टफोन फक्त ठराविक लोकांपुरतेच मर्यादित राहतील आणि प्रत्येकासाठी फायदेशीर नसतील.

इंजिनिअर्सनी गुप्तपणे केले तंत्रज्ञान तयार

ज्या वेळी स्टीव्ह जॉब्सला आयफोन बनवायला लावले जात होते, त्याच वेळी आयफोन बनवणाऱ्या टीमचे इंजिनीअर गुप्तपणे फोन ऑपरेट करण्यासाठी नवीन ‘मल्टी-टच टेक्नॉलॉजी’ तयार करत होते. हे तंत्रज्ञान इतके खास होते की ही खऱ्या अर्थाने एक कमाल असल्याची स्वतः ला खात्री होईपर्यंत त्यांनी ते जॉब्सना ते दाखवले नाही.

ॲपल निर्मितीसाठी स्टीव्हला पटवून दिले जात होते.

ब्रायन मर्चंटने त्याच्या पुस्तकात अँडी ग्रिग्नॉन या सीनिअर आयफोन इंजिनीअरचा उल्लेख केला आहे, जे म्हणतात की, “ॲपलसाठी फोन बनवणे ही एक चांगली कल्पना असल्याचे कार्यकारी संघाकडून स्टीव्हला पटवून दिले जात होते. त्यांना यशाचा कोणताही स्पष्ट मार्ग दिसत नव्हता”. नंतर, आयफोनच्या फायनल डेव्हलपमेंट नंतर आयफोन वापरून कॉल करणारा डी ग्रिग्नन हा पहिला व्यक्ती बनला.

आणि स्टीव्ह राजी झाले

दरम्यान, ॲपल कर्मचारी स्टीव्ह जॉब्स यांना राजी करत असतांनाच ॲपलचे उपाध्यक्ष मायकेल बेल यांनी 7 नोव्हेंबर 2004 रोजी रात्री उशिरा स्टीव्ह जॉब्स यांना एक ईमेल देखील लिहिला. या ईमेलमध्ये त्यांनी फोन बनवण्याचे फायदे सांगितले. या प्रदीर्घ ईमेलनंतर स्टीव्ह जॉब्स आणि मायकेल बेल यांनी तासनतास चर्चा केली आणि शेवटी जॉब्सने होकार दिला. संभाषणानंतर, जॉब्स म्हणाले, ‘ठीक आहे, मला वाटते की आपण हे केले पाहिजे.’

‘ही’ भीती होती

स्टीव्ह जॉब्सना सुरुवातीला आयफोन बनवण्यात रस नसल्याचे मुख्य कारण म्हणजे स्मार्टफोनमुळे त्यांच्या आयपॉडची विक्री कमी होऊ शकते याची त्यांना भीती होती. दरम्यान, ब्रायन मर्चंटने सीएनबीसीला एका मुलाखतीत सांगितले की, जॉब्स अशा फोनसाठी तयार आहेत जो वापरण्यास सोपा आणि मजेदार असेल. सोप्या शब्दात, जॉब्सला फोन तयार करण्यासाठी या दोन्हीही गोष्टीं हव्या होत्या एक म्हणजे, त्या फोनने iPod ची जागा घेऊ नये आणि दुसरे म्हणजे ते वापरण्यात सोपा आणि ग्राहकांना नवीन अनुभव देणारा असावा.

ॲपल ऑफिसमध्ये ठेवली गुप्तता

आता स्टीव्ह जॉब्सला फोन बनवण्याची खात्री होती, पण त्याने संपूर्ण ॲपल ऑफिस आणि कर्मचाऱ्यांमध्ये आयफोनबद्दल गुप्तता ठेवली. हा फोन बनवणाऱ्या स्पेशल टीमलाच याची माहिती होती. जॉब्सचा या टीमवर विश्वास होता. ब्रायन मर्चंट त्यांच्या मुलाखतीत म्हणतात की, ‘येथे प्रत्येक स्तरावर काम करणाऱ्या लोकांचे योगदान नसते तर आयफोन कधीच बनला नसता.’

ब्लॅक, ब्लू, ग्रीन, पिंक आणि येलो कलर ऑप्शनमध्ये सादर करण्यात आलेला iPhone 15 चा बेस मॉडेल भारतात ७९,९९० रुपयांमध्ये लाँच करण्यात आला होता. तर २५६जीबी आणि ५१२GB व्हर्जनची किंमत लाँचच्या वेळी अनुक्रमे ८९,९०० रुपये आणि १,०९,९०० रुपये होती. सध्या, iPhone 15 च्या १२८जीबी आणि २५६जीबी स्टोरेज ऑप्शन Flipkart वर १३,९९१ रुपयांच्या डिस्काउंटसह अनुक्रमे ६५,९९९ रुपये आणि ७५,९९९ रुपयांमध्ये लिस्ट करण्यात आला आहे. तसेच, ५१२जीबी स्टोरेज ऑप्शन ९५,९९९ रुपयांमध्ये लिस्टेड आहे.

डिस्काउंटसह ग्राहक Flipkart Axis Bankच्या माध्यमातून या खरेदीवर (Non-EMI ट्रँजॅक्शन) वर ५% फ्लॅट कॅशबॅक मिळवू शकतात. तसेच, Citi-ब्रँडेड क्रेडिट कार्ड EMI ट्रँजॅक्शनवर १,५०० रुपयांचा फ्लॅट डिस्काउंट देखील उपलब्ध आहे. जर तुम्ही iPhone 15 UPIच्या माध्यमातून खरेदी केला तर तुम्हाला ७५० रुपयांचा डिस्काउंट मिळेल. विशेष म्हणजे Flipkart सिक्योर्ड पॅकेजिंगच्या नावावर iPhone 15 च्या सर्व व्हेरिएंट्सवर ९९ रुपयांची एक्स्ट्रा फी मिळते.

iPhone 15 specifications

iPhone 15 मॉडेलमध्ये ६.१-इंच सुपर रेटिना XDR OLED डिस्प्ले आहे ज्यात २,००० निट्स पर्यंतचा पीक ब्राइटनेस लेव्हल आणि सिरॅमिक शील्ड प्रोटेक्शन आहे. हा मॉडेल डायनॅमिक आयलंड फीचर आणि धूळ आणि पाणी प्रतिरोधसाठी आयपी६८ रेटिंगसह येतो. फोन ए१६ बायोनिक चिपसेटवर चालतो.

iPhone 15 च्या ड्युअल रियर कॅमेरा सिस्टममध्ये अल्ट्रा-वाइड लेन्ससह १२-मेगापिक्सल सेन्सर आणि ४८-मेगापिक्सलचा वाइड-अँगल कॅमेरा मिळतो. फ्रंट कॅमेरा देखील १२-मेगापिक्सल सेन्सर आहे. दावा करण्यात आला आहे की हँडसेट २६ तासांपर्यंतचा व्हिडीओ प्लेबॅक टाइम देऊ शकते.