राँग साईडने कार टाकली, ट्रकमध्ये घुसली, अकोल्यात भाजप कार्यकर्त्यांचा अपघात, दोघांचा मृत्यू

अकोला: अकोल्यातल्या भाजपच्या कार्यकर्त्यांचा अमरावतीत अपघात झाल्याची माहिती समोर आली आहे. अमरावतीहून कारने अकोल्याकडे येत असताना हा अपघात झाल्याची माहिती आहे. राँग साईडने कार टाकल्याने ट्रक आणि कारची समोरासमोर धडक होऊन भीषण अपघात झाल्याची माहिती आहे. या अपघातात कारमधील दोघांचा मृत्यू झाल्याची माहिती आहे. नकुल तोडकर आणि विजय मदनकार यांचा जागीच दुर्दैवी मृत्यू झाला आहे. तर, भाजप आमदार रणधीर सावरकर यांचे निकटवर्तीय समजल्या जाणारे संदीप गावंडे आणि मुकेश सरप हे जखमी झाले आहेत.

मुकेश सरप हे गंभीर जखमी असून त्यांची प्रकृती चिंताजनक असल्याची माहिती आहे. दरम्यान, काल रात्री साडे ११ वाजता अपघात झाल्याची माहिती आहे. मृतक आणि जखमी सर्वजण अकोल्यातील मोठी उमरी भागातील रहिवासी आहेत. त्यांच्या जखमींवर अमरावतीच्या शासकीय रुग्णालयात उपचार सुरु आहे.
Child Drown: लाइफ गार्ड फोनवर, ५ वर्षांचा चिमुकला स्विमिंग पूलमध्ये बुडाला, आईचा मन हेलावणारा आक्रोश

अकोल्यातून भाजप कार्यकर्ते अमरावतीत दाखल

नकुल तोडकर आणि विजय मदनकार यांचा मृतदेह अमरावतीच्या शासकीय वैद्यकीय महाविद्यालयात शवविच्छेदासाठी दाखल करण्यात आला आहे. या अपघाताची माहिती मिळताच अकोल्यातून भाजप कार्यकर्ते आणि मित्र परिवारासह नातेवाईकांची अमरावतीत दाखल झाले.

आज सायंकाळपर्यंत नकुल तोडकर आणि विजय मदनकार यांच्यावर आज सायंकाळी अंत्यविधी पार पडणार आहे. दोन्ही मृतक विवाहित असून दोघांचा आप्त परिवार आहे.

अपघाताची माहिती समजताच मोठी उमरी आणि भाजप परिवारात शोकाकूल वातावरण पसरलं आहे. भाजप आमदार सावरकर मृतक आणि जखमींच्या नातेवाईकांच्या संपर्कात असून माजी नगरसेवक मिलिंद राऊत, माजी नगरसेवक अनिल नावकार, संदीप शेगोकार दे देखील अमरावतीच्या AXON रुग्णालयात दाखल झाले आहे.

हा अपघात इतका भीषण होता की, या अपघातात दोघांना आपला जीव गमवावा लागला. तर भाजप माजी नगरसेविका पल्लवी मोरे यांचे भासरे संदीप गावंडे हे जखमी झाले असून त्यांच्या छातीवर गंभीर मुका मार लागला आहे. तर मुकेश सरप यांच्या डोक्यावर गंभीर दुखापत झाली असून त्यांच्या शस्त्रक्रिया सुरु आहे.