बेलापूर इमारत दुर्घटना; नवीन अपडेट समोर, दोन जणांचा मृत्यू, शोधकार्य सुरु

नवी मुंबई : नवी मुंबईच्या बेलापूरमध्ये मोठी दुर्घटना घडली आहे. येथील सेक्टर १९ मधील शाहबाज गाव येथे चार मजली इमारत अक्षरश: पत्त्यासारखी कोसळली आहे. पहाटे ४.३० सुमारास ही दुर्घटना घडली आहे. दुर्दैवाने या दुर्घटनेत दोन तरुणांचा मृत्यू झाला आहे. बेलापूर विभागातील शहाबाज गावातील जी प्लस ३ची इमारत पहाटेच्या सुमारास कोसळली. त्यामध्ये २० ते २५ वर्षाच्या वयातील दोन तरुणांचे मृतदेह सापडण्यात एनडीआरएफच्या जवानांना यश आलं आहे. घटनास्थळी एका रिक्षावाल्याच्या प्रसंगावधनामुळे मोठी जीवितहानी टळली आहे. घटनेची माहिती मिळताच अग्निशमन दलाचे जवान आणि पोलीस घटनास्थळी दाखल झाले आहेत.चार मजली इमारत ‘इंदिरा निवास’ कोसळल्याची घटना घडली आहे. या इमारतीत ६४ वर्षांचा पुरुष आणि ४५ वर्षांची महिला अडकली होती. या घटनेत दोघेही सुरक्षितपणे बाहेर काढले गेले असून, त्यांना अपोलो रुग्णालयात उपचारासाठी नेण्यात आले आहे. सध्या घटनास्थळी बचाव कार्य सुरु असून, परिसरात सुरक्षा वाढवण्यात आली आहे. मात्र अजून एक व्यक्ती आत मध्ये अडकल्याची शक्यता वर्तविण्यात येत आहे.
Babajani Durrani : अजितदादांना धक्का, बाबाजानी दुर्रानी यांचा रामराम, शरद पवार गटात प्रवेश

या दुर्दैवी घटनेत रिक्षावाल्यामुळे इमारतीतील सर्व रहिवाशांचे प्राण वाचले आहेत. पहाटे ही इमारत कोसळली, रस्त्यावरुन नागरिकांची ये-जा सुरु नव्हती यामुळे आणखी एक संभाव्य धोका टळला आहे. मात्र रहिवाशांचे यात मोठे आर्थिक नुकसान झाले आहे. अनेक गाड्या ढिगाऱ्याखाली गाडल्या गेल्या आहेत. यामुळे रहिवाशांनी एकच आक्रोश केल्याचे पाहायला मिळाले.

मुंबईसह नवी मुंबईमध्येही मुसळधार पाऊस पडत आहे. यातच ही मोठी दुर्घटना घडली आहे. पहाटे ४ च्या सुमारास इमारतीखाली एक रिक्षावाला आला असता त्याला बिल्डींगच्या पिलरमधून आवाज येत होता. त्याने संभाव्य धोका लक्षात घेऊन तात्काळ इमारतीतील रहिवाशांना जागे केले आणि इमारत रिकामी केली. अवघ्या १५ मिनिटांत इमारत रिकामी करण्यात आली. त्यानंतर पुढील ५ मिनिटांत ही इमारत पत्त्यांसारखी कोसळली आहे. त्यामुळे इमारतीतील रहिवासी भयभीत झाले आहेत.