Tej Police Times
डोळ्यादेखत तिघं बुडायला लागले, माऊलीने मागेपुढे पाहिलं नाही, नेसली साडी सोडून आधाराने वाचवलं
अहमदनगर : महिलेने जर धाडस केलं तर काय होतं? याचा प्रत्यय अहमदनगर जिल्ह्यातील कोपरगाव तालुक्यात आला असून गोदावरी नदीत बुडणाऱ्या दोन तरुणांचा ताईबाई नावाच्या एका महिलेने अंगावरील साडीच्या आधारे जीव वाचवण्यासाठी आपला जीव धोक्यात घातला आहे. जीव धोक्यात घालून दोन तरुणांना वाचवणाऱ्या ताईबाईंचं सर्वत्र कौतुक होत आहे. दारणा धरण क्षेत्रात झालेल्या संततधात पावसामुळे धरण ८०% टक्के भरले. त्यामुळे गोदावरी नदीपात्रात हळूहळू विसर्ग वाढवण्यात आला आणि गोदावरी दुथडी भरून वाहत आहे. परिणामी नदीच्या काठावर असलेल्या विद्युत मोटारी सुरक्षित काढण्यासाठी शेतकऱ्यांना आपला जीव धोक्यात घालावा लागत आहे.कोपरगाव तालुक्यातील कारवाडी हंडेवाडी येथील रहिवासी असलेले तरुण शेतकरी संतोष भीमाशंकर तांगतोडे, प्रदीप भीमाशंकर तांगतोडे, अमोल भीमाशंकर तांगतोडे हे तिघे भावंडे नदीतील सायपन आणि मोटारी काढण्यासाठी मंजूर येथील गोदावरी नदीच्या पात्रात उतरले. दुर्दैवाने पाणी वाढल्याने तीन्ही तरुण पाण्याच्या प्रवाहात वाहत गेले. सुदैवाने जवळच शेळ्या चारण्यासाठी मंजूर येथील रहिवासी असलेल्या ताईबाई छबुराव पवार आणि छबुराव बाबुराव पवार यांनी सदर घटना पाहिली. शेवटी स्त्री ती स्त्रीच.
ताईबाई यांच्या मातृत्वाला जाग आली आणि त्यांनी कोणताही विचार न करता तरुणांना वाचवण्यासाठी आपल्या अंगावरील साडीच्या आधारे त्याना वाचवण्यासाठी प्रयत्न केले. तर छबुराव पवार यांनी देखील मदत केली. ताईबाईंच्या प्रयत्नांना यश देखील आले. त्यातील दोघांना त्यांनी बाहेर काढले त्यात संतोष भीमाशंकर तांगतोडे (वय २५) हा तरुण वाढत्या प्रवाहात वाहून गेल्याने त्याचा मृतदेह शुक्रवारी काढण्यात प्रशासनाला यश आलं आहे. ताईबाई यांच्या धाडसाचं कौतुक हे सर्व स्थरावर होत आहे.
ताईबाई यांच्या मातृत्वाला जाग आली आणि त्यांनी कोणताही विचार न करता तरुणांना वाचवण्यासाठी आपल्या अंगावरील साडीच्या आधारे त्याना वाचवण्यासाठी प्रयत्न केले. तर छबुराव पवार यांनी देखील मदत केली. ताईबाईंच्या प्रयत्नांना यश देखील आले. त्यातील दोघांना त्यांनी बाहेर काढले त्यात संतोष भीमाशंकर तांगतोडे (वय २५) हा तरुण वाढत्या प्रवाहात वाहून गेल्याने त्याचा मृतदेह शुक्रवारी काढण्यात प्रशासनाला यश आलं आहे. ताईबाई यांच्या धाडसाचं कौतुक हे सर्व स्थरावर होत आहे.
ताईबाईंचे काम कौतुकास्पद
दरम्यान, ताईबाई यांनी दोन तरुणांचा जीव वाचवून केलेले काम हे कौतुकास्पद आहे. आजच्या युगातील महिलांना आदर्श घालून देण्याचे काम ताईबाई यांनी केले असून ताईबाई पवार यांच्या कार्याचे आम्हाला कौतुक आहे. त्यांच्या या कामासाठी लवकरच शासकीय ठिकाणी प्रस्ताव पाठवून त्यांना मदत मिळवून देण्याचे काम करु, असं तहसीलदार संदीपकुमार भोसले यांनी सांगितलं आहे.