Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मावळवरुन महायुतीत रस्सीखेच, सुनील शेळकेंना भाजपमधून टफ फाईट, बंद दाराआड शब्दाची चर्चा
प्रशांत श्रीमंदिलकर, मावळ, पुणे : नुकत्याच लोकसभा निवडणुका पार पडल्या आहेत. आता राज्यात विधानसभा निवडणुकीची रणधुमाळी सुरु झाली आहे. त्यात मावळ विधानसभा मतदारसंघ हा नेहमीच चर्चेत राहिला आहे. या ठिकाणी अजित पवार यांच्या नेतृत्वातील राष्ट्रवादी काँग्रेसचे विद्यमान आमदार सुनील शेळके यांची ताकद अधिक आहे. मात्र येणाऱ्या निवडणुकीत भाजपच्या बाळा भेगडे यांच्यानंतर आणखी एक चेहरा सुनील शेळकेंना टफ फाईट देत आहे, तो म्हणजे आप्पा उर्फ रवींद्र भेगडे.
विधानसभेच्या पार्श्वभूमीवर मावळचे स्थानिक राजकारण तापायाला सुरुवात झाली आहे. रवी भेगडे हे सुरुवातीपासून भाजपचे एकनिष्ठ नेते. बाळा भेगडे, सुनील शेळके आणि रवी भेगडे हे मावळचे प्रमुख नेते भाजपमध्ये होते. मात्र २०१९ च्या निवडणुकीत भाजपकडून मावळ विधानसभेच्या तिकिटासाठी शेवटच्या क्षणापर्यंत सस्पेन्स होता. शेवटी बाळा भेगडे यांना उमेदवारी देण्यात आली. त्यावेळी सुनील शेळके यांनी भाजपला सोडचिठ्ठी देत राष्ट्रवादी काँग्रेसमध्ये प्रवेश केला होता. तर रवी भेगडे यांनी अपक्ष म्हणून अर्ज दाखल केला होता. मात्र निवडणुकी अगोदर रवी भेगडे यांची मनधरणी करण्यात भाजपला यश आले होते. रवी भेगडे यांनी बाळा भेगडे यांना जाहीर पाठिंबाही दिला होता. परंतु २०१९ मध्ये वारं फिरलं आणि सुनील शेळके हे राष्ट्रवादीकडून मावळचे आमदार झाले.
यंदाच्या विधनासभा निवडणुकीत हे तीनही नेते महायुतीत आहेत. यात महायुतीचे आमदार म्हणून सुनील शेळके आहेत. त्यांचा दबदबा मतदारसंघावर असला तरी भाजपकडून यंदाच्या निवडणुकीत रवी भेगडे यांनी तयारी सुरु केली आहे. नुकतीच त्यांनी वाढदिवसानिमित्त आमदारकी लढवण्याची इच्छा बोलून दाखवली आहे. तशी तयारी देखील त्यांनी केली आहे. मात्र सध्या महायुतीचा आमदार असल्याने येणाऱ्या काळात वरिष्ठांकडून हा मतदारसंघ कोणत्या पक्षाला सुटतो आणि कुणाला उमेदवारी मिळते हे पाहणे माहत्वाचे ठरणार आहे.
अजितदादा पवार यांच्या पक्षाकडून सुनील शेळके यांनाच उमेदवारी मिळणार अशी चर्चा असताना भाजपकडून देखील इच्छुकांनी आपली ताकद लावण्यास सुरुवात केली आहे. त्यामुळे येणाऱ्या काळात सुनील शेळके यांच्या तोडीस तोड उमेदवार म्हणून रवी भेगडे यांच्याकडे पाहिले जात आहे. भेगडे यांच्याकडे सध्या प्रचार प्रमुख हे पद असून ते सुरुवातीपासून भाजपशी एकनिष्ठ आहेत.
Sainath Babar : राज ठाकरेंनी स्वबळाचा नारा देताच पुण्यातून पहिला आवाज, WhatsApp स्टेटसमधून मतदारसंघावर दावा
बाळा भेगडे शब्द पाळणार का?
२०१९ च्या निवडणुकीमध्ये रवी भेगडे यांनी अपक्ष अर्ज दाखल केला होता. त्यावेळी देवेंद्र फडणवीस यांच्या मध्यस्थीने रवी भेगडे यांची नाराजी दूर करण्यास भाजपला यश आले होते. त्यावेळी बाळा भेगडे यांनी रवी भेगडे यांना बंद दाराआड शब्द दिला होता की, पुढच्या वेळी तुम्हालाच उमेदवारी देऊ, अशी चर्चा आहे. मात्र यंदाच्या निवडणुकीत तो शब्द पाळला जाणार का? हे पाहणे देखील महत्वाचे ठरणार आहे.
पराभूत उमेदवाराला भाजप संधी देणार का?
२०१९ च्या निवडणुकीत सुनील शेळके यांनी जवळपास ९४ हजार मतांनी पराभव केला होता. त्यामुळे भाजपकडून बाळा भेगडे यांना पुन्हा संधी दिली जाणार का? अशा चर्चा आता रंगू लागल्या आहेत.