Freestyle Fight: खासदाराचा ड्रायव्हर आणि आमदार पुत्राच्या ड्रायव्हरांमध्ये फ्री स्टाईल कपडे फाटेपर्यंत हाणामारी, पाहा व्हायरल Video

कोल्हापूर (नयन यादवाड): जिल्ह्यात सध्या पूरसदृश्य परिस्थिती निर्माण झाली आहे. एका बाजूला नागरिक पुराचे पाणी घरात येत असल्याने हैराण झालेले असताना दुसऱ्या बाजूला या भागाची पहाणी करण्यासाठी गेलेले हातकणंगलेचे खासदार धैर्यशील माने आणि इचलकरंजीचे आमदार प्रकाश आवाडे यांचे पुत्र राहुल आवाडे यांच्या गाडीवरील ड्रायव्हरांमध्ये फ्री स्टाईल कपडे फाटेपर्यंत हाणामारी झाली आहे. गाडी पार्किंग वरून ही हाणामारी झाल्याची माहिती समोर आली असून या दोघांचा वाद मिटवण्यासाठी अखेर पालकमंत्री हसन मुश्रीफांच्या ड्रायव्हर आणि पालकत्व घेत मध्यस्थी केली. या हाणामारीचे व्हिडिओ असा सोशल मीडियामध्ये व्हायरल झाले असून जिल्ह्यात या व्हिडिओची चर्चा राहिली आहे.

कोल्हापूर जिल्ह्यात सध्या पूरसदृश्य परिस्थिती निर्माण होत आहे. जिल्ह्यातील अनेक रस्त्यांवर पाणी आल्याने वाहतुकीसाठी रस्ते बंद झाले आहेत तर घरामध्ये पाणी शिरल्याने संसार उघड्यावर आले आहेत. याच पार्श्भूमीवर इचलकरंजी भागातील पूर परिस्थितीची पाहणी करण्यासाठी पालकमंत्री हसन मुश्रीफ गेले होते.
Maratha Reservation: मराठा आरक्षण प्रश्न सोडवता आला असता पण शरद पवारांनी…; गिरीश महाजन स्पष्टच बोलले

यावेळी त्यांच्या सोबत खासदार धैर्यशील माने आणि इचलकरंजीचे आमदार प्रकाश आवाडे यांचे सुपुत्र राहुल आवाडे यांच्यासह दोघांचाही गाडीचा ताफा पालकमंत्र्यांच्या ताफ्यात होता. यावेळी नाट्यगृहात तयार करण्यात आलेल्या पूरग्रस्त छावणीला भेट देण्यासाठी हे सर्वजण नाट्यगृह येथे पोहोचले यावेळी नाट्यगृहात वाहन पार्किंग करत असताना आवाडे आणि माने या दोघांच्या गाड्या एकमेकांना घासल्या. यावरून खासदार धैर्यशील माने यांचा चालक योगेश पाटील आणि आवडे यांचा चालक मनोज लाखे यांच्यात जोरदार वादावादी सुरू झाली. वादावादीचे रूपांतर अश्लील शिवीगाळात आणि नंतर हाणामारी झाली.

दोन्हीही चालक एकमेकांच्या अंगावर धावून जात बेल्ट काढून एकमेकांचे कपडे फाटेपर्यंत फ्री स्टाईल हाणामारी केली. या दोघांमध्ये वाद सुरू असताना पालकमंत्री हसन मुश्रीफ यांच्या गाडीवरील चालकाने मध्यस्थी करत दोघांचा वाद सोडवला. मात्र हाणामारीचा व्हिडिओ सोशल मीडियामध्ये सर्वत्र व्हायरल झाला आणि अख्या कोल्हापुरात याची चर्चा सुरू झाली.