एकतर्फी प्रेमातून जीवघेणा हल्ला, पनवेल हादरले, आरोपी तरुणाच्या पोलिसांनी मुसक्या आवळल्या

शिल्पा नरवडे, पनवेल : छत्रपती संभाजीनगर, नवी मुंबई आणि उरण शहरातील हत्या प्रकरण ताजे असतानाच पनवेल तालुक्यातील न्हावे गावातून एक धक्कादायक बातमी समोर आली आहे. एकतर्फी प्रेमातून तरुणीवर लोखंडी रॉडने जीवघेणा हल्ला झाला आहे.

न्हावे गावातील प्रीतम म्हात्रे याने एकतर्फी प्रेमातून २४ वर्षीय तरुणीच्या डोक्यात लोखंडी रॉडने जीवघेणा हल्ला केला. सदर तरुणी गंभीरीत्या जखमी झालेली असून रुग्णालयात अतिदक्षता विभागात उपचार घेत आहे. या गंभीर प्रकरणाने महिलांच्या सुरक्षिततेचा प्रश्न पुन्हा ऐरणीवर आला आहे.
Raigad Murder: चेहऱ्याचा अक्षरश: चेंदामेंदा, मृतदेह छिन्नविच्छिन्न अवस्थेत; प्रेम प्रकरणातून तरुणीची निर्घृण हत्या

प्रपोजला नकार दिल्याचा राग, आरोपीकडून रॉडने जीवघेणा हल्ला

सदर तरुणीला २ वर्षांपूर्वी प्रीतम म्हात्रे याने प्रपोज केले होते. परंतु तरुणीने त्यावेळी त्याला नकार दिला होता. याचा राग मनात ठेऊन न्हावे गावाजवळ माणिकटोक समुद्रकिनारी २६ जुलै रोजी सदर तरुणी आपल्या मैत्रिणीसोबत गप्पा मारत करत बसली असताना प्रीतम म्हात्रे तिथे पोहचला. त्याने काही कळण्याच्या आताच लोखंडी सळईने सदर तरुणीच्या डोक्यात व पाठीवर जोरदार हल्ला केला.

रुणीच्या डोक्याला १० टाके, आयसीयूमध्ये उपचार सुरू, पोलिसांत गुन्हा दाखल

त्यामुळे तरुणीच्या डोक्याला गंभीर दुखापत झाल्याने तिला तातडीने रुग्णालयात दाखल केले. तरुणीच्या डोक्याला १० टाके पडले असून ती अतिदक्षता विभागात उपचार घेत आहे. या घटनेनंतर न्हावा-शेवा पोलीस ठाण्यात गुन्हा दाखल करण्यात आला असून प्रीतम म्हात्रेच्या पोलिसांनी मुसक्या आवळल्या आहेत. या घटनेमुळे परिसरात संतापाची लाट उसळली असून आरोपी प्रीतम म्हात्रेला कठोरात कठोर शिक्षा व्हावी अशी मागणी करण्यात आली आहे.