पत्नीने पहिल्या लग्नापासूनच्या मुलाची माहिती लपवली, बाळाला घरी घेऊन येताच पती संतापला, चिमुकल्यासोबत क्रूर कृत्य

ठाणे : ठाणे शहरातून हैराण करणारी बातमी समोर आली आहे. वडिलांनी त्याच्या सावत्र मुलाला मारहाण करत त्याची हत्या केल्याची धक्कादायक प्रकार समोर आला आहे. पोलिसांनी आरोपी वडिलांविरोधात हत्येची तक्रार दाखल करत त्याला अटक केली आहे. ठाण्यातील चितलसर या भागात ही घटना उघडकीस आली आहे.

काय आहे प्रकरण?

अल्पवयीन मुलाच्या आईने पहिल्या पतीसोबत घटस्फोट घेत आरोपीसोबत लग्न केलं होतं. मात्र लग्नाच्या काही आठवड्यांनंतर आरोपीला त्याच्या पत्नीच्या आधीच्या लग्नापासून असलेल्या चार वर्षांच्या मुलाबाबत समजलं.
Man Ends Life : गल्ली ते दिल्ली उंबरे झिजवले, पण आधारवरील जन्मतारीख बदलेना; डिप्रेशनमधील तरुणाचं टोकाचं पाऊल
पोलिसांनी दिलेल्या माहितीनुसार, महिलेने आरोपीसोबत लग्न केल्यानंतर दोघं एकत्र राहत होते. पण त्या महिलेचा चार वर्षांचा मुलगा त्यांच्यासोबत राहत नव्हता. काही आठवड्यांपूर्वी महिला तिच्या चार वर्षांच्या मोहम्मद आर्यन नावाच्या मुलाला घेऊन कोलकत्याहून ठाण्याला आरोपीच्या घरी घेऊन आली. आरोपीला महिलेला तिच्या आधीच्या लग्नापासून एक मुलगा आहे याची माहिती नव्हती.

आपल्या पत्नीला आधीच्या लग्नापासून एक मुलगा असल्याची गोष्ट अचानक पतीला समजल्याने दोघं पती-पत्नीमध्ये वाद झाले होते. आरोपी दिलशाद हा मुलाच्या उपस्थितीने नाराज होता. तसंच त्याने मुलाची जबाबदारी घेण्यापासूनही नकार दिला होता.
Crime News : आठवी नापास तरुण नकली नोटा छापत होते, पोलिसांनी त्याच नोटांनी भाजी घेतली आणि…

शवविच्छेदन अहवालातून धक्कादायक माहिती उघड

चार वर्षांच्या मुलाच्या मृत्यूनंतर पोलिसांनी रविवारी अपघाती मृत्यूची नोंद केली होती. मुलाच्या मृत्यूनंतर त्याचा मृतदेह शवविच्छेदनासाठी पाठवण्यात आला होता. या शवविच्छेदन अहवालातून धक्कादायक माहिती समोर आली आहे.

मुलाचं शारीरिक शोषण करण्यात आल्याची बाब समोर आली. तसंच आरोपीने केलेल्या मारहाणीत त्या मुलाच्या बरगड्या आणि हाडं अनेक ठिकाणी तुटल्याचं समोर आलं. तसंच त्याच्या पोटात अंतर्गत जखमा झाल्या असल्याचंही आढळून आलं आहे. शवविच्छेदन अहवालानंतर पोलिसांनी मुलाच्या हत्येची तक्रार दाखल केली आहे. याप्रकरणी अधिक तपास पोलीस करत आहेत. पोलिसांनी दिलेल्या माहितीनुसार, आरोपीचं ओळख दिलशाद अशी झाली आहे. रविवारी चार वर्षांच्या मुलाच्या मृत्यूनंतर आरोपीला सोमवारी अटक करण्यात आली. आरोपीविरोधात चितलकर पोलीस ठाण्यात भारतीय न्याय संहिता (BNS) च्या कलम १०३ (हत्या) अंतर्गत हत्येचा गुन्हा दाखल करण्यात आला आहे.