Tej Police Times
मद्यधुंद महिलेच्या हातात लेकरु, पोलिसांच्या सतर्कतेने चिमुल्याला पुनर्जन्म; धुळ्यात नेमकं काय घडलं?
अजय गर्दे, धुळे : शिरपूर पोलिसांच्या सतर्कतेमुळे एका ९ महिन्यांच्या बाळाला पुनर्जन्म मिळाला आहे. मद्यपी महिला या बाळाला घेऊन शहरात भटकत होती. या बाबतची माहिती पीएसआय छाया पाटील यांना मिळाली होती. त्यानंतर त्यांनी आणि त्यांच्या टीमने सदर महिलेला ताब्यात घेत तिच्या तावडीतून चिमुरड्याची सुटका केली आहे.
शिरपूर शहरातील वरवाडे शिवारात ५० वर्षीय महिला ८ ते ९ महिन्यांच्या बाळाला घेवून फिरत होती. ती मद्यधूंद अवस्थेत असल्याने तिच्यावर संशय बळावला होता. त्यामुळे शिरपूर शहर पोलीस त्या ठिकाणी दाखल झाले. तोपर्यंत नागरिकांचीही मोठी गर्दी झाली होती.
यावेळी पोलिसांनी त्या महिलेला बाळासंबंधी विचारणा केली. यावर तिने उडवाउडवीची उत्तरं दिली. यानंतर पोलिसांचा संशय आणखीच वाढला. त्यांनी संबंधित महिलेला थेट पोलीस ठाण्यात आणलं. दारुने झिंगलेल्या महिलेने आपलं नाव शोभा उर्फ मिराबाई देवराम वाघ असं सांगितलं. तसंच मी अकुलखेडेची रहिवासी आहे आणि मुलगा तिचाच असल्याचा दावा तिने यावेळी केला.
Uran Case : दोघं शाळेत एकत्र, आरोपीविरोधात २०१९ मध्ये गुन्हा; त्याला भेटायला गेली आणि… पोलिसांची महत्त्वाची माहिती
फोनद्वारे घेतलेली माहिती
पोलिसांनी पडताळणी म्हणून अकुलखेडे गावातील परिचितांना फोनवरुन विचारणा केल्यानंतर सांगितलं, की अशा नावाची महिला आमच्या गावात राहत नसल्याचं त्यांनी फोनद्वारे सांगितलं.Video : प्रवासात पती-पत्नीशी जवळीक, भूक लागल्याचं कारण सांगत केलं बाळाचं अपहरण
महिला पोलीस बनल्या बाळाचे पालक
महिला पोलिसांनी सदर महिलेकडून बालकाला आपल्या ताब्यात घेत त्याच्यासाठी नवीन कपडे आणले. तातडीने नजिकच्या दवाखान्यात जाऊन बाळाची तपासणी केली. सुदैवाने बालकाची प्रकृती ठणठणीत आहे. पीएसआय छाया पाटील, पोकॉ अनिता पावरा, प्रतिभा देशमुख, प्रभाकर भिल यांनी दाखवलेल्या तत्परतेमुळे बालकाला नवा जन्म मिळाला आहे. यावेळी पोलिसांनी ताब्यात घेतलेली महिला मद्यधुंद अवस्थेत आहे. तिची योग्य स्थितीत आल्यानंतर पुढील तपास पोलीस करणार आहे.
दरम्यान, काही दिवसांपूर्वी एका महिलेने नागपूर रेल्वे स्थानकातून एका सहा महिन्यांच्या बाळाचं अपहरण केलं होतं. रेल्वे स्थानकातून महिलेले बाळा उचलून ती दुसऱ्या ट्रेनमध्ये चढली होती. हा प्रकार सीसीटीव्ही कॅमेरात कैद झाला होता.