आई मुलाच्या नात्याला काळीमा फासणारी घटना, व्यसनाधीन तरुणाचा आईवर बलात्कार

संतोष शिराळे, सातारा : जिल्ह्यातील जावली तालुक्यात कुडाळपासून जवळच असलेल्या पानस पुनर्वसन येथे आई आणि मुलाच्या नात्याला काळीमा फासणारी घटना घडली आहे. व्यसनी मुलाने आपल्या ५५ वर्षांच्या आईवरच बलात्कार केला आहे. नराधम मुलाचे नाव आनंदा मारुती सणस आहे.

पोटच्या पोरानेच बलात्कार केल्याची तक्रार करण्याची वेळ या मातेवर आली आहे. पोलिसांनी या नराधमाला अटक केली आहे. त्याला न्यायालयात हजर केले असता न्यायालयाने सात ऑगस्टपर्यंत पोलीस कोठडी सुनावली आहे.
नात्याला काळिमा फासणारी घटना! पित्याचे पोटच्या मुलीसोबत धक्कादायक कृत्य, रायगड हादरलं

याबाबत पोलिसांनी सांगितले की, जावली तालुक्यात कुडाळपासून जवळच असलेल्या पानस पुनर्वसन येथे जुलै महिन्यात रात्री ११ वाजता मुलाने दारूच्या नशेत आपली आई किचनमध्ये काम करत असताना मागून येऊन मिठी मारली आणि आईला फरशीवर खाली पाडून तिच्या मनाविरुद्ध जबरदस्तीने शारीरिक संबंध केले. कोणाला काही सांगू नको, नाही तर तुला जीव मारून टाकीन अशी धमकी दिली.
Crime News: पोटच्या लेकीसोबत घृणास्पद कृत्य, नराधम बापाला पोलिसांकडून अटक; नेमकं काय घडलं?

मात्र, या पीडित आईने मेढा पोलीस ठाण्यात मुलाविरुद्ध तक्रार दाखल केली आहे. गुन्हा दाखल झालेल्या त्या नराधम मुलाचे नाव आनंदा मारुती सणस असे आहे. पोलिसांनी या नराधम मुलाला अटक केली आहे. त्याला न्यायालयाने सात ऑगस्टपर्यंत पोलीस कोठडी सुनावली आहे.

दरम्यान, या घटनेने जावली तालुक्यात खळबळ निर्माण झाली आहे. या नराधम मुलाचा सर्व स्तरातून निषेध केला जात आहे. या घटनेची फिर्याद स्वतः पीडित आईने मेढा पोलीस ठाण्यात दिली आहे. अधिक तपास सहाय्यक पोलीस निरीक्षक अश्विनी पाटील करत आहेत.