धक्कादायक! अध्यक्षाने सदस्याचा अंगठा दाताने तोडला, मुंबईत सोसायटीच्या मीटिंगमध्ये तुफान राडा

मुंबई : दहिसर पश्चिममधील म्हात्रेवाडीत सोसायटीच्या बैठकीत एक भयानक प्रकार घडला आहे. रविवार असल्याने सोसायटीमध्ये आज सदस्यांसाठी बैठकीचे आयोजन करण्यात आले होते. बैठकीत सोसायटीच्या दृष्टीने विविध विषयावर भाष्य करण्यात आले. सोसायटीची बैठक सुरु असताना अचानक काही सदस्य मध्ये एक दोन मुद्द्यावरुन वादाचे खटके उडाले आणि पुढे त्याचे रुपांतर भांडणात झाले. अचानक प्रकरण हाणामारीवर पोहचले आणि अशातच सोसायटीच्या अध्यक्षाने थेट सदस्याचा अंगठा कापल्याची घटना समोर आली.

घडलेल्या प्रकारानंतर सारेच हैरान झाले आहेत. दहिसर पश्चिममधील इथल्या पोलीस स्थानकात संबंधित प्रकरणाची तक्रार दाखल करण्यात आली आहे. पोलीस नेमके हा प्रकार इतका विचित्र का घडला याचा तपास करत आहेत. हा सदरचा प्रकार अमरनाथ अपार्टमेंट नामक इमारतीत घडला आहे. अध्यक्ष नित्यानंद परिहार यांनी रविवार पाहून सोसायटीतील अनेक मुद्द्यावर चर्चा करण्यासाठी बैठक आयोजित केली होती.
Delhi Firing : दिल्ली गोळीबाराने हादरली! रस्त्यावर भांडणं, बंदूक काढून तरुणाची थेट फायरिंग, महिला जागेवर गेली

बैठक सुरु असताना अचानक काही मुद्द्यावरुन गोंधळ झाला यावेळी सोसायटीचे अध्यक्ष असेलेले नित्यानंद परिहार यांनी चक्क सोसायटीतील सदस्य आदित्य देसाई यांचा अंगठा तोडला. अमरनाथ अपार्टमेंटमध्ये सदस्य असलेले आदित्य देसाई म्हणाले, की भांडण सुरु झाली आणि अचानक नित्यानंद परिहार यांनी दाताने माझा अंगठा तोडला. आदित्य देसाई यांनी हाच आरोप करत पोलीसांकडे तक्रार दाखल केली आहे.

आदित्य देसाई यांना तात्काळ सोसायटीतील इतर सदस्यांनी रुग्णालयात हलवले, रुग्णालयात उपचार करुन आदित्य देसाई यांना घरी सोडण्यात आले आहे. तसेच भयानक प्रकारामुळे सोसायाटीत सध्या तणावाचे वातावरण निर्माण झाले आहे.