Tej Police Times
Mumbai Crime News: तुतारी एक्स्प्रेसमधून मृतदेह नेण्याचा प्रयत्न; RPF जवानाने असा तावडीत पकडला, दादर रेल्वे स्थानकातील घटना
म. टा. खास प्रतिनिधी, मुंबईदादर स्थानकातून कोकणात जाणारी तुतारी एक्सप्रेस पकडण्याचा दोन तरुण रविवारी प्रयत्न करीत होते. मात्र त्यांच्याकडे असलेली मोठी ट्रॉली बॅग त्यांना जड असल्याने उचलता येत नव्हती त्यातच बॅगेखाली रक्ताचे थेंबही ड्युटीवरील आरपीएफ जवानाच्या लक्षात आले. संशयावरून बॅग उघडून पाहिली असता यामध्ये एका तरुणाचा मृतदेह सापडला. आरपीएफच्या लक्षात येताच एकाने पळ काढला तर दुसऱ्या तावडीत सापडला. दोघेही मुकबधिर आणि अपंग असून त्यांनी पायधुनी येथे मित्र अर्शद खान याची हत्या करून मृतदेह बॅगेत कोंबल्याचे सांगितले. तुतारीचा प्रवास सुरू होताच एखाद्या पूलावरून ही बॅग ढकलण्याचा त्यांचा कट होता मात्र आरपीएफ जवानामुळे तो अयशस्वी झाला.
दादर रेल्वे स्थानकाच्या फलाट क्रमांक ११ वर आरपीएफ जवान संतोषकुमार रामराज यादव रविवारी रात्री नेहमीप्रमाणे गस्त घालत होते. कोकणात जाणारी तुतारी एक्स्प्रेस फलाटावर लागली होती. एक मोठी ट्रॉली बॅग घेऊन दोन तरुण ट्रेनमध्ये बसण्याचा प्रयत्न करीत होते. दोघे असूनही त्यांना ही बॅग उचलली जात नसल्याचे यादव यांच्या लक्षात आले. त्यांनी पुढे जाऊन बॅग तपासली असता रक्ताचे थेंब आढळले. त्यांनी दोघांना बॅग उघडण्यास सांगितले असता दोघांपैकी एकाने पळ काढला. बॅग उघडताच आतमध्ये एका तरुणाचा मृतदेह आढळला.
दादर रेल्वे स्थानकाच्या फलाट क्रमांक ११ वर आरपीएफ जवान संतोषकुमार रामराज यादव रविवारी रात्री नेहमीप्रमाणे गस्त घालत होते. कोकणात जाणारी तुतारी एक्स्प्रेस फलाटावर लागली होती. एक मोठी ट्रॉली बॅग घेऊन दोन तरुण ट्रेनमध्ये बसण्याचा प्रयत्न करीत होते. दोघे असूनही त्यांना ही बॅग उचलली जात नसल्याचे यादव यांच्या लक्षात आले. त्यांनी पुढे जाऊन बॅग तपासली असता रक्ताचे थेंब आढळले. त्यांनी दोघांना बॅग उघडण्यास सांगितले असता दोघांपैकी एकाने पळ काढला. बॅग उघडताच आतमध्ये एका तरुणाचा मृतदेह आढळला.
यादव यांनी रेल्वे पोलिसांना याबाबतची माहिती देताच पोलिसांनी घटनास्थळी धाव घेतले. पोलिसांनी हत्येचा गुन्हा दाखल केला आणि ताब्यात असलेल्या तरुणाची चौकशी केली. चौकशीमध्ये जय चावडा असे नाव ताब्यात घेतलेल्या तरुणाने सांगितले. त्याने मित्र शिवजित सिंग यांच्या मदतीने अर्शद याची हत्या पायधुनी येथे केल्याचे सांगितले.
Bangladesh Quota Reform Movement: बांगलादेशमध्ये नेमके काय घडले? शेख हसीना यांना देश सोडण्याची वेळ का आली? सर्व काही एका क्लिकवर जाणून घ्या
दादर रेल्वे पोलिसांनी हत्येचा गुन्हा दाखल करून पुढील तपासाकरिता पायधुनी येथे वर्ग केला. पोलिसांनी जय याने दिलेली माहिती आणि तांत्रिक पुराव्यांच्या आधारे शिवजित याला उल्हासनगर येथून अटक केली. जय, शिवजित आणि अर्शद हे तिघेही मुकबधिर असून एकमेकांचे मित्र आहेत.
रविवारी रात्री क्षुल्लक कारणावरून दोघांचा अर्शदसोबत वाद झाला. रागाच्या भरात दोघांनी हातोड्याने अर्शदला डोक्यात मारले. यात त्याचा मृत्यू झाला. मृतदेहाची विल्हेवाट लावण्यासाठी दोघांनी एक मोठी बॅग घेतली आणि तुतारी एक्सप्रेसने जाऊन फेकण्याचा त्यांचा कट होता असे चौकशीतून समोर आले आहे.