हॅलो मित्रा, तुला हा माझा शेवटचा फोन; फ्रेंडशिप डे ला तरुणाचं टोकाचं पाऊल

निलेश पाटील, जळगाव: हॅलो मित्रा तुला हा माझा शेवटचा फोन आता यापुढे तुला त्रास देणार नाही, असं म्हणत फ्रेंडशिप डेच्या दिवशी मित्राला फोन करत २२ वर्षीय किरण शिंपी याने आत्महत्या करत जीवन संपवलं आहे. जळगावात ही धक्कादायक घटना घडली आहे.

फ्रेंडशिप डेच्या दिवशी एका तरुणाने आपल्या मित्राला फोन केला. मित्रा माझा हा तुला शेवटचा फोन आहे, यापुढे माझा तुला कधीच फोन येणार नाही, मी तुला पुढे त्रास देणार नाही, असे म्हणत या तरुणाने गळफास घेऊन आत्महत्या केली. ही धक्कादायक घटना सोमवारी सकाळी सहा वाजता उघडकीस आली आहे. किरण रमेश शिंपी (वय २२ राहणार शिंदी तालुका भडगाव ह. मु रामेश्वर कॉलनी जळगांव) असे मृत तरुणाचे नाव आहे.
Jalgaon News: डोक्यात अन् तोंडावर लाकडी दांड्याने वार, इतकं मारलं की तिचा जीव गेला; ४ महिन्यात सुखी संसाराचा अंत

मित्राला फोन करुन आयुष्याची अखेर

किरण शिंपी हा तरुण आई, भाऊ आणि वहिनीसोबत भडगाव तालुक्यातील शिंदी येथे वास्तव्याला होता. गेल्या अडीच वर्षांपासून तो जळगाव शहरातील एमआयडीसीतील एका ठिबक कंपनीत कामाला होता. तसेच, रामेश्वर कॉलनीत एका भाड्याच्या रूममध्ये तो राहत होता. रविवारी सायंकाळी साडेपाच वाजता किरणने त्याच्या कंपनीतील मित्र रवी माघाडे याला फोन केला. यावेळी बोलताना किरणने आता तुला मी कधीही त्रास देणार नाही, आता हे आपलं शेवटचं बोलणं असल्याचं सांगितलं.

त्यावर रवीने त्याची समजूत काढण्याचा प्रयत्न केला. यासह सोमवारी सकाळी भेटू, असं म्हणत फोन कट झाला. त्यानंतर किरणने राहत्या खोलीत गळफास घेऊन आत्महत्या केली. सोमवारी सकाळी घर मालकीणने घरात डोकावून पाहिले असता त्यांना किरणने गळफास घेतल्याचं दिसून आलं. या घटनेची माहिती मिळाल्यानंतर पोलीस कर्मचाऱ्यांनी घटनास्थळी धाव घेतली.

जिल्हा शासकीय वैद्यकीय महाविद्यालयात उपचार अर्थ दाखल करण्यात आले असता वैद्यकीय अधिकारी यांनी किरणला मृत घोषित केले. आत्महत्या करण्याचे कारण समोर आलेले नाही. या प्रकरणी एमआयडीसी पोलीस ठाण्यात आकस्मात मूर्तीची नोंद करण्यात आली आहे.