Tej Police Times
सेल्फीचा मोह पडला महागात, धुक्यांमुळे पाय घसरला, १५०० फूट दरीत कोसळून तरुणाचा अंत
महेश पाटील, नंदुरबार : धुळे जिल्ह्यातील शिरपूर तालुक्यातील बोरपणी येथील युवक मित्रांसमवेत तोरणमाळ येथे पर्यटनासाठी आले असता सेल्फी काढण्याचा मोह युवकाला आवरता आला नाही. सेल्फी काढताना धुके असल्याने त्याचा पाय घसरून सीताखाई दरीत युवक १५०० फूट खाली कोसळल्याची घटना ४ ऑगस्ट रोजी दुपारी ३ वाजेच्या दरम्यान घडली. युवकाचा मृतदेह तीन दिवसानंतर दरीतून वर काढण्यात आला.महाराष्ट्रातील दोन नंबरचं हवेचं ठिकाण म्हणून असलेलं नंदुरबार जिल्ह्यातील तोरणमाळ येथे पावसामुळे सातपुडा हिरवाईने नटला आहे. त्यातच तेथील धबधबेही प्रवाहीत झाले आहेत. त्यामुळे तिथे येणाऱ्या पर्यटकांची संख्या वाढली आहे. या सर्व वातावरणामुळे मोहित होऊन सातपुड्यातील डोंगरदऱ्यांवर पोहोचलेले युवक, युवती सेल्फीसाठी नको ते धाडस करीत आपला जीव धोक्यात टाकत आहेत. नुकत्याच अशा अनेक घटना घडल्या आहेत की, ज्यात सेल्फी आणि रील काढण्याच्या प्रकारांमुळे अनेकांना आपला अमूल्य जीव गमवावा लागला आहे. आता असेच एक प्रकरण ४ ऑगस्ट रोजी घडला. महाराष्ट्रातील प्रसिद्ध थंड हवेचे ठिकाण असलेले नंदुरबार जिल्ह्यातील धडगाव तालुक्यातील तोरणमाळ. याठिकाणी सीताखाई या सातपुडा पर्वत रांगेतील प्रसिद्ध धबधब्यावर अती उत्साहात येऊन सेल्फी काढण्याच्या नादात (बोरपाणी ता. शिरपूर) येथील २१ वर्षीय भारत सरवरी पावरा याचा तोल जाऊन मृत्यू झाला आहे.
मयत भारत पावरा हा आपल्या मित्रांसोबत तोरणमाळ येथे पर्यटनाचा आनंद घेण्यासाठी आला होता. तो मित्रांसोबत तोरणमाळ येथील विविध स्थळांना भेटी देऊन तेथे मनसोक्त सेल्फी आणि फोटोसेशन करीत होता. तो काही वेळानंतर मित्रांपासून पुढे चालत गेला. जो तो आपआपल्या मस्तीत दंग होते. नंतर सर्व घरी जाण्यासाठी परतीच्या मार्गावर निघाले, परंतु त्यात मयत भारत पावरा त्यांना कुठेही मिळून आला नाही. सर्व मित्रांनी भारत आपल्यासोबत दिसून येत नसल्याने सर्वांना चिंता पडली. त्यांना असं वाटलं की भारत हा आपल्यापेक्षा पुढे निघून गेला आहे. मात्र, भारत हा आला नसल्याने मित्रांनी पुन्हा दुसऱ्या दिवशी त्याच्या शोध घेतला. मात्र, तो त्यांना कुठेही आढळून आला नाही.
मयत भारत पावरा हा आपल्या मित्रांसोबत तोरणमाळ येथे पर्यटनाचा आनंद घेण्यासाठी आला होता. तो मित्रांसोबत तोरणमाळ येथील विविध स्थळांना भेटी देऊन तेथे मनसोक्त सेल्फी आणि फोटोसेशन करीत होता. तो काही वेळानंतर मित्रांपासून पुढे चालत गेला. जो तो आपआपल्या मस्तीत दंग होते. नंतर सर्व घरी जाण्यासाठी परतीच्या मार्गावर निघाले, परंतु त्यात मयत भारत पावरा त्यांना कुठेही मिळून आला नाही. सर्व मित्रांनी भारत आपल्यासोबत दिसून येत नसल्याने सर्वांना चिंता पडली. त्यांना असं वाटलं की भारत हा आपल्यापेक्षा पुढे निघून गेला आहे. मात्र, भारत हा आला नसल्याने मित्रांनी पुन्हा दुसऱ्या दिवशी त्याच्या शोध घेतला. मात्र, तो त्यांना कुठेही आढळून आला नाही.
मयत भारत पावरा याच्या नातेवाईकांनी आणि मित्रांनी संबंधित घटनेसंदर्भात म्हसावद पोलीस ठाण्यात जाऊन त्यांनी संपूर्ण घटना पोलीस निरीक्षक राजन मोरे यांना सांगितली. त्यांनी तात्काळ घटनेचे गांभीर्य लक्षात घेत पोलीस निरीक्षक राजन मोरे यांनी पोलीस उपनिरीक्षक जितेंद्र पाटील यांच्यासोबत पोलीस शिपाई राकेश पावरा, पो. कॉ. प्रल्हाद राठोड, पो. कॉ. वसंत वसावे यांच्या पथकाला घटनास्थळी रवाना होण्याचे आदेश देत तोरणमाळ येथील स्थानिकांना सोबत घेऊन संबंधित तरुणाचा सर्वत्र कसून शोध घेण्याचं सांगितलं.
Ladki Bahin Yojana: ‘लाडक्या बहिणीं’च्या खात्यांमध्ये त्रुटी; १५ लाख लाभार्थ्यांची बॅंक खाती चुकीची किंवा बंद
पोलीस उपनिरीक्षक जितेंद्र पाटील आणि पथक यांनी तोरणामाळ येथील स्थानिकांच्या मदतीने तोरणमाळ येथील प्रत्येक पॉईंटवर तपासणी केली. अखेर १५०० फूट खोल असलेल्या प्रसिद्ध अशा सीताखाई धबधब्यात निरीक्षण करून आणि स्थानिकांना दोरखंडाच्या सहाय्याने सीताखाई येथे उतरवून तपासणी केली असता एक लाल रंगाचा शर्ट घातलेला तरुणाच्या मृतदेह आढळला.
दरीमध्ये धुके असल्याने प्रदीर्घ संघर्षानंतर अखेर स्थानिकांच्या मदतीने काल बुधवारी सायंकाळी खोल दरीतून गोणपाट आणि दोरच्या साहाय्याने मृतदेह बाहेर काढला. तेथे उपस्थित नातेवाईकांनी मृतदेह भारतचाच असल्याची ओळख दिल्यानंतर तेथून तो मृतदेह शवविच्छेदणासाठी म्हसावद ग्रामीण रुग्णालयात आणण्यात आला. शवविच्छेदनानंतर मृतदेह नातेवाईकांच्या ताब्यात देण्यात आला.