Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
NCP Sharad Pawar party: कोण आहेत शरद पवार पक्षाचे ‘सुपर २०’; विधानसभेसाठी संपूर्ण राज्यात एकच चर्चा सुरू, पहिल्याच यादीत…
बारामती (दीपक पडकर): राज्यात राष्ट्रवादी काँग्रेस शरदचंद्र पवार पक्ष तरुण २० उमेदवारांना संधी देणार असल्याचे शरद पवारांनी जाहीर केले आणि त्यानंतर हे २० तरुण कोण याची चर्चा सुरू झाली. अर्थात पहिल्याच यादीत युगेंद्र पवार आणि रोहित पाटील यांची चर्चा या निमित्ताने सुरू झाली आहे. सध्या युगेंद्र पवारांना बारामती तालुक्यात गाव भेट दौऱ्यात अनेक जण पाहत आहेत. युगेंद्र पवारांचे समर्थक, कार्यकर्ते मात्र युगेंद्र पवारच उमेदवार असणार अशी छातीठोकपणे सांगू लागले आहेत.
बारामतीमध्ये लोकसभा मतदारसंघाच्या निवडणुकीत अजित पवार हे सुनेत्रा पवारांना निवडणूक रिंगणात उतरवणार नाहीत अशी चर्चा होती. मात्र प्रत्यक्षात सुनेत्रा पवारांना उमेदवारी मिळाली आणि लोकसभेत ननंद विरुद्ध भावजय हा सामना सर्वांनाच पाहायला मिळाला. अशी लढत बारामतीकरणां अपेक्षित नव्हती. आता तसाच प्रकार विधानसभेतही होण्याची आता दाट शक्यता व्यक्त केली जात आहे.
विधानसभेला काका विरुद्ध पुतण्यात लढत होण्याची आता दाट शक्यता निर्माण झाली असून, उमेदवारीच्या दृष्टीनेच युगेंद्र पवारांचे दौरे सुरू असल्याचे बोलले जात आहे. युगेंद्र पवार हे आता सध्या गावोगावी जात असून, दर मंगळवारी आणि गुरुवारी बारामती मध्ये जनता दरबार घेऊ लागले आहेत. युगेंद्र पवार व पवार कुटुंब किती ही सांगत असले तरी निवडणुकीच्या नंतर बारामती तालुक्यात अजित पवारांचा रोल असायचा परंतु आता एकूणच पवार कुटुंबीय सातत्याने बारामती तालुक्यात फिरू लागले आहे.
Paris Olympics Day 13 India Schedule: पॅरिस ऑलिम्पिकमध्ये आज भारतासाठी ऐतिहासिक दिवस; नीरज चोप्राचे गोल्ड, हॉकीच्या कांस्यपदकाची प्रतिक्षा
राज्यात ज्या २० तरुण उमेदवारांना आमदारकीसाठी शरद पवार संधी देणार आहेत. त्यामध्ये युगेंद्र पवारांचे नाव अग्रस्थानी दिसत आहे. राष्ट्रवादी काँग्रेस अजित पवारांचा पक्ष देखील विधानसभेला युगेंद्र पवार असतील अशी शक्यता गृहीत धरून तयारीला लागले आहेत. त्यामुळे येणाऱ्या विधानसभेला बारामतीत पवार विरुद्ध पवार हा दुसरा सामना रंगण्याची चिन्हे आहेत.
२०१९च्या विधानसभा निवडणुकीत अजित पवारांनी ८३.२४ टक्के इतकी मते घतेली होती. त्यांनी गोपीचंद पडळकरांचा पराभव केला होता. यावेळी त्यांची लढत युगेंद्र पवार यांच्याविरोधात होण्याची शक्यता आहे.