Tej Police Times
रील्ससाठी मोटरमनच्या केबिनमध्ये घुसताय? नियम मोडणाऱ्यांना पोलिसांचा चांगलाच दणका
मुंबई : सध्या रिल्स बनवणे, नको त्या गाण्यांवर नाचणे. मोठमोठ्या डोंगरमाथ्यांवर जाऊन रिल्स बनवणे बऱ्याच जणांना महागात पडलं आहे. याचदरम्यान, आता मध्य रेल्वेच्या RPFने दोन तरुणांना उपनगरीय ट्रेनच्या मोटरमनच्या केबीनमध्ये रील्स बनवल्यामुळे अटक केली आहे. गुन्हेगारांना कडक चेतावणी देत कसारा स्थानकावर थांबलेल्या लोकल ट्रेनच्या मोटरमनच्या केबिनमध्ये घुसखोरी करणाऱ्या दोन व्यक्तींना मध्य रेल्वेच्या रेल्वे संरक्षण दलाने यशस्वीरित्या पकडलं आहे.राजा हिम्मत येरवाल (वय २०) आणि रितेश हिरालाल जाधव (वय १८, दोघे रा. नाशिक) अशी अटक करण्यात आलेल्या आरोपींची नावे आहेत. २५ जुलै २०२४ रोजी कसारा स्थानकात प्लॅटफॉर्म ४वर उभ्या असलेल्या उपनगरीय ट्रेन क्रमांक ९५४१०च्या मोटरमनच्या केबिनमध्ये एका आरोपीने प्रवेश केला आणि दुसऱ्या आरोपीने व्हिडिओ शूट केला. तो व्हिडिओ सोशल मीडियावर अपलोड करण्यात आला होता.
मध्य रेल्वेच्या RPF पथकाने सायबर सेलच्या सहकाऱ्यांच्या मदतीने या दोघांना नाशिक येथून ८ ऑगस्ट २०२४ रोजी पकडले. चौकशीदरम्यान, आरोपीने सोशल मीडियासाठी व्हिडिओ तयार करण्यासाठी ट्रेनच्या मोटरमनच्या केबिनमध्ये घुसल्याची कबुली दिली. त्यानंतर त्यांना अटक करण्यात आली आणि CR NO.1200/24, कलम १४५(ब) आणि १४७ अंतर्गत आरोपींवर गुन्हा दाखल करण्यात आले आहेत. दरम्यान, अलीकडेच अशा अनेक घटना उघडकीस आल्या आहेत. ज्यात उत्तर रेल्वेच्या गुलजार शेखच्या प्रकरणाचा समावेश आहे. ज्यांना RPFने व्हिडिओ बनवण्यासाठी रेल्वे रुळांशी छेडछाड केल्याप्रकरणी अटक केली होती.
मध्य रेल्वेच्या RPF पथकाने सायबर सेलच्या सहकाऱ्यांच्या मदतीने या दोघांना नाशिक येथून ८ ऑगस्ट २०२४ रोजी पकडले. चौकशीदरम्यान, आरोपीने सोशल मीडियासाठी व्हिडिओ तयार करण्यासाठी ट्रेनच्या मोटरमनच्या केबिनमध्ये घुसल्याची कबुली दिली. त्यानंतर त्यांना अटक करण्यात आली आणि CR NO.1200/24, कलम १४५(ब) आणि १४७ अंतर्गत आरोपींवर गुन्हा दाखल करण्यात आले आहेत. दरम्यान, अलीकडेच अशा अनेक घटना उघडकीस आल्या आहेत. ज्यात उत्तर रेल्वेच्या गुलजार शेखच्या प्रकरणाचा समावेश आहे. ज्यांना RPFने व्हिडिओ बनवण्यासाठी रेल्वे रुळांशी छेडछाड केल्याप्रकरणी अटक केली होती.
रेल्वे प्रवाशांची सुरक्षा धोक्यात आणणे, रेल्वेच्या कामकाजात अडथळा आणणे, रेल्वे कायदे आणि नियमांचे उल्लंघन करणे अशी कृत्ये करू नये, असं आवाहन रेल्वेकडून करण्यात आलं आहे. दोषींवर कडक कायदेशीर कारवाई केली जाईल. रेल्वेने यापुढे सर्व नागरिक आणि प्रवाशांना विनंती केली आहे की, रेल्वेच्या आवारात कोणीही असे कृत्य करत असल्यास 9004410735 किंवा 139 या मोबाईल क्रमांकावर त्वरित संपर्क साधून तक्रार करावी. प्रवाशांच्या सुरक्षिततेला भारतीय रेल्वेचे सर्वोच्च प्राधान्य राहिले आहे आणि प्रवाशांसाठी रेल्वे प्रशासन आणि अधिकारी सर्व आवश्यक उपाययोजना करत आहेत, असं मध्य रेल्वेने म्हटलं आहे.