गोवा-जळगाव-हैदराबाद विमानसेवा सुरु होणार, या महिन्यापासून प्रवास करता येणार

निलेश पाटील, जळगाव : जळगाव विमानतळावरून फ्लाय ९१ विमान कंपनीने गोवा-जळगाव-हैदराबाद आणि गोवा-जळगाव-पुणे अशी विमान सेवा सुरू केली आहे. कंपनी आता २७ ऑक्टोबरपासून दररोज गोवा-जळगाव-हैदराबाद ही विमानसेवा सुरू करणार आहे. यासाठी हिवाळी वेळापत्रक देखील तयार करण्यात आले आहे. विमान कंपनीने आता हिवाळी वेळापत्रक तयार केले असून यात गोवा-जळगाव-हैदराबाद ही विमानसेवा २७ ऑक्टोबर ते २९ मार्च २०२५ दरम्यान दररोज असणार आहे. त्यामुळे हिवाळ्यात गोवा येथे पर्यटनाला जाणाऱ्यांना आता दररोज विमानसेवा उपलब्ध होणार आहे.उडान ५.० योजनेअंतर्गत जळगाव विमानतळावरून फ्लाय ९१ विमान कंपनीने गोवा-जळगाव-हैदराबाद ही विमानसेवा आठवड्यातून तीन दिवस तर गोवा-जळगाव-पुणे ही विमानसेवा आठवड्यातून चार दिवस सुरू राहणार आहे. फ्लाय ९१ कंपनीने आता हिवाळी वेळापत्रक तयार केले असून यात गोवा-जळगाव-हैदराबाद ही विमानसेवा ऑक्टोबर महिन्यापासून दररोज सुरू करणार आहे. तर पुणे-मुंबई सेवा नियमित कधी सुरू होणार याची देखील नागरिकांना आता प्रतीक्षा आहे. जळगाव विमानतळावरून विमानसेवा सुरू झाल्याने प्रवाशांना मोठा दिलासा मिळाला आहे. त्यामुळे आता जळगावकरांचा प्रवास सुखद होणार आहे.
Vinesh Phogat Rajya Sabha : आधी ‘पदक’ १०० ग्रॅमने हुकलं, आता ‘पद’ ४ दिवसांनी मुकलं, विनेश फोगाटचं आणखी एक दुर्दैव

पर्यटनाला मिळेल चालना

हिवाळ्यात मोठ्या प्रमाणात लोक पर्यटनासाठी प्रवासासाठी वेगवेगळ्या ठिकाणी जात असतात. त्यात गोवा येथे ३१ डिसेंबरला नवीन वर्ष साजरे करण्यासाठी तसेच पर्यटनासाठी मोठ्या प्रमाणात लोक जात असतात. त्यानुसार हैदराबाद आणि जळगाव येथून गोवा येथे जाणाऱ्या प्रवाशांची संख्या पाहता विमान कंपनीने ऑक्टोबर महिन्यापासून दररोज विमानसेवा सुरू करण्याचं वेळापत्रक तयार केलं आहे.

तीन महिन्यात जळगावातून प्रवासी संख्या

विमानाने आलेले १५९०
विमानाने गेलेले १९१०
एकूण प्रवासी १९ हजार ५००

९४ दिवसात प्रवासी विमानांची ये-जा

येणारे २०६
जाणारे २०६
विमान उड्डाण संख्या ४१२

पुणे सेवा देखील दररोज सुरू होणार का?

जळगाव विमानतळावरुन फ्लाय ९१ विमान कंपनीची गोवा-जळगाव-पुणे ही दुसरी सेवा आठवड्यातील चार दिवस सुरू आहे. या सेवेला देखील चांगला प्रतिसाद मिळत असून ही सेवा देखील दररोज सुरू करण्याबाबत विमान कंपनीकडून प्रयत्न सुरू आहेत. पुणे विमानतळावरून स्लॉट मिळाल्यावर लवकरच ही सेवा देखील दररोज सुरू करण्याचे संकेत विमान कंपनीच्या अधिकाऱ्यांनी दिले आहेत.