Tej Police Times
Sanjay Shirsat : उद्धव ठाकरे दिल्लीला शेपूट खाली घालून आलेत, संजय शिरसाटांचे प्रत्युत्तर
छत्रपती संभाजीनगर, सुशील राऊत : काल ठाकरेंच्या शिवसेनेचा ठाण्यात कार्यक्रम पार पडला. या कार्यक्रमात संजय राऊत आणि उद्धव ठाकरे यांनी थेट शिंदेंच्या सेनेवर हल्लाबोल चढवला. यावर आज शिंदे गटाने प्रतिक्रिया दिली आहे. आमदार संजय शिरसाट म्हणाले, संजय राऊत यांनी जो नवस केला होता तो पूर्ण झाला आहे. मातोश्रीला लोकांच्या चरणी लीन केले. राहुल गांधी यांची भेट घडवून त्यांचा चरणी लीन झाले आहेत अशा शब्दात शिरसाटांनी बोचरी टीका केली. संजय राऊत मराठी राहिलेच नाही, त्याची कधीच सुनथा झालेली आहे, असा खोचक टोला संजय शिरसाठ यांनी राऊत यांना लगावला. मात्र एक गोष्ट निश्चित आहे की ज्यांना पक्ष डूबवायाचा असेल त्यांनी संजय राऊत याला पक्षात घेतले पाहिजे असे विधान शिरसाटांनी केले आहे.
पुढे संजय शिरसाट म्हणाले राऊतांना,तुम्ही काय चित्रपट काढता? दलाल नं 1 हा चित्रपट तुमच्यासाठी मी काढणार आहे. लाडकी बहिणीच्या तोंडात घास जावू नये यासाठी विरोधक प्रयत्न करत आहेत. टीका करण बंद करा, रोज जे चालले आहे ते फार किळसवाणे आहे. महाराष्ट्राच्या राजकारणात एवढं कधीही झाले नाही
येणाऱ्या काळात विधानसभा निवडणुकीत जनता तुम्हाला जागा दाखवणार आहे अशी प्रतिक्रिया शिरसाटांनी दिली.
उद्धव ठाकरे तुम्ही शिवाजी महाराज आहात का?
संजय शिरसाट यांनी संजय राऊतांसोबत उध्दव ठाकरेंवर सुद्धा निशाणा साधला. उद्धव ठाकरे तुम्ही शिवाजी महाराज आहात काय? असा सवाल शिरसाटांनी केला. तुम्ही ऐतिहासिक बोलू नका, खोटं बोलण्याची हद्द असते अशी टीकाच त्यांनी ठाकरेंच्या अमित शाहांवरील टीकेवर केली. दिल्लीवारी करून आल्यावर त्यांना काहीही सुचत आहे, दिल्लीत शेपूट खाली घालून आलेत अशा शब्दात शिरसाट म्हणाले. संजय राऊत यांनी दोन महिने थांबा म्हणतात तर त्या पुढे त्यांनी 0 लावावा, म्हणजे २० वर्ष होईल, कार्यकर्ते दूर जाऊ नये म्हणून राऊत आणि ठाकरेंचे भाष्य आहे अशी प्रतिक्रिया दिली.