Tej Police Times
लाडकी बहीण काढली,लाडका भाऊ काढला, मात्र…; CM शिंदेंच्या कृतज्ञता सोहळ्यात तृतीयपंथी संतापले
छत्रपती संभाजीनगर, सुशील राऊत : आम्हाला सिग्नलवर पैसे मागू दिले जात नाही. आमच्यावर कारवाई होत आहे. लाडकी बहीण काढली,लाडका भाऊ काढला. मात्र लाडका किन्नर कोणी काढला का? या तृतीयपंथांचा कोणी आशीर्वाद घेतलाय का? आम्हाला सगळ्यांनी नाकारलं, आम्हाला जगणं मुश्किल झाले आहे. मुख्यमंत्री यांच्या कृतज्ञता सोहळ्यात तृतीयपंथीयांनी मागणी केली आहे. मुख्यमंत्री एकनाथ शिंदे यांनी आंबेडकरी समाजाच्या विविध उपायोजनांसाठी भरघोस निधी दिला. यासाठी छत्रपती संभाजी नगर शहरातील आंबेडकरी अनुयायांच्या वतीने मुख्यमंत्री कृतज्ञता सोहळ्याचं आयोजन टीव्ही सेंटर येथील मैदानावर करण्यात आला होता. यासाठी मुख्यमंत्री एकनाथ शिंदे पालकमंत्री अब्दुल सत्तार खासदार संदिपान भुमरे मंत्री अतुल जावे संजय शिरसाठ यांच्यासह महायुतीचे पदाधिकारी उपस्थित होते. यावेळी मुख्यमंत्र्यांनी आंबेडकरी अनुयायांसाठी राज्य सरकार करत असलेल्या कामांची माहिती दिली. तसेच विरोधकांवर जोरदार हल्ला चढवला. यावेळी आंबेडकरी अनुयायी मोठ्या संख्येने उपस्थित होते.
मुख्यमंत्री एकनाथ शिंदे कृतज्ञता सोहळ्यातील भाषण अटकून मुंबईच्या दिशेने रवाना होत असताना मैदान असलेल्या तृतीयपंथीयांनी जोरदार घोषणाबाजी सुरू केली. मुख्यमंत्री आमच्या मागण्याकडे लक्ष देईल का अशी विनंती यावेळी तृतीयपंथयांकडून करण्यात आली. यावेळी तृतीयपंथी म्हणाली की,आम्हाला सिग्नलवर पैसे मागू दिले जात नाही. आमच्यावर कारवाई होत आहे. मुख्यमंत्र्यांनी लाडकी बहीण काढली,लाडका भाऊ काढला. मात्र लाडका किन्नर कोणी काढला का?या तृतीयपंथांचा कोणी आशीर्वाद घेतलाय का? आम्हाला सगळ्यांनी नाकारलं, आम्हाला जगणं मुश्किल झाले असल्याचं यावेळी तृतीय पंथी म्हणाले.
आज छत्रपती संभाजीनगरात सीएम शिंदे यांच्यासाठी कृतज्ञता सोहळा ठेवण्यात आला होता. या सोहळ्यात बोलताना सीएम शिंदे म्हणाले, आंबेडकरी जनतेच्या वतीने सोहळा होत आहे, मी आभार मानतो, प्रेम व्यक्त करायच्या कृतज्ञता सोहळ्याकार्यक्रम याबाबत मी आभार मानतो. कृतज्ञता आपण सोहळा आयोजित करण्यासारखं काम केलं नाही जे केलं ती माझी जबाबदारी आहे जे काम झालं हा तुमचं अधिकार आहे. बाबासाहेबांना या शहराबद्दल प्रेम होतं, मुंबई नंतर हे शहर प्रिय होत, म्हणून अजिंठा लेणी पायथ्याशी विपश्यना केंद्र तयार करत आहोत. आंबेडकर पुतळा, झोपडपट्टीत लायब्ररी, उद्योजकांना प्रोत्साहन देण्याचं काम करत आहे.