नाकातील नथनीसाठी झोपडीत घुसून तरुणीची हत्या, फिल्मीस्टाईलने खुनाचा उलगडा

महेश पाटील, नंदुरबार : पैशांची गरज असल्याने एकाने झोपडीत झोपलेल्या तरुणीच्या नाकातील नथनीसाठी कुऱ्हाडीने वार करुन गंभीर जखमी केल्याची घटना दोन ऑगस्ट रोजी तळोदा तालुक्यातील भवर शिवारात घडली होती. उपचारादरम्यान त्या तरुणीच्या मृत्यू झाला. आरोपी गुजरात राज्यात नथनी विकण्यासाठी गेला होता, अशी माहिती पोलिसांना मिळाल्याने पोलिसांनी त्याला अटक केली असून या गुन्ह्याबाबत त्याने कबुली दिली आहे.मिळालेल्या माहितीनुसार, तळोदा तालुक्यातील भवर शिवारात राकेश अरुण मोरणकर यांच्या मालकीच्या शेतात २ ऑगस्ट रोजी सकाळी १०.३० ते दुपारी १.३० वाजेच्या सुमारास रंजना बादशा पाडवी (वय ३२) रा.भवर ता.तळोदा ही तरुणी झोपडीत झोपलेली होती. झोपलेली असताना अज्ञाताने तिच्या तोंडावर धारदार हत्याराने वार करुन जीवेठार करण्याचा प्रयत्न केला होता. याबाबत सखुबाई बादशा पाडवी यांच्या फिर्यादीवरून तळोदा पोलीस ठाण्यात खुनाच्या प्रयत्नाबाबत गुन्हा दाखल करण्यात आला होता. उपचारादरम्यान तरुणीचा मृत्यू झाल्याने याबाबत भादंवि कलम १०३ (१) प्रमाणे वाढीव कलम लावून खूनाचा गुन्हा दाखल करण्यात आला होता.
Rahul Gandhi Portfolio: राहुल गांधी ज्या शेअर बाजाराला माना​तात रिस्क, तिथेच मारला सिक्स, पाच महिन्यात ४६ लाख फिक्स

असा झाला खूनाचा उलगडा

तळोदा तालुक्यातील भवर येथे तरुणीच्या खून प्रकरणी स्थानिक गुन्हा अन्वेषण विभागाचे पथक तपास करीत असताना दि.६ ऑगस्ट रोजी तळोदा तालुक्यातील भवर गावातील एक इसम २ ऑगस्ट रोजी कुकरमुंडा येथे नाकातील नथनी विकण्यासाठी गेल्याचे समजले. त्याअनुषंगाने पोलिसांनी संशयिताचा शोध घेत. पोलिसांनी त्यास ताब्यात घेऊन त्याचे नाव विचारले असता किंकन कमलसिंग नाईक (वय २५ ) रा.भवर ता.तळोदा असे सांगितले.

याबाबत की किकन यास या गुन्ह्याबाबत विचारपूस केली असता त्याने सांगितले की, पैशांची गरज असल्याने आणि भवर शिवारात असलेल्या झोपडीत मृत रंजना पाडवी एकटी असल्याने कुऱ्हाडीने तोंडावर वार करुन जिवेठार केल्याची त्याने कबूली दिली. स्थानिक गुन्हा अन्वेषण विभागाच्या पथकाने त्याला अटक करून तळोदा पोलिसांच्या ताब्यात दिले. सदरची कामगिरी पोलिस अधिक्षक श्रवण दत्त एस., अपर पोलिस अधिक्षक निलेश तांबे, अक्कलकुवा उपविभागीय पोलिस अधिकारी सदाशिव वाघमारे, शहादा उपविभागीय अधिकारी दत्ता पवार यांच्या मार्गदर्शनाखाली स्थानिक गुन्हा अन्वेषण शाखेचे पोलिस निरीक्षक किरणकुमार खेडकर, उपनिरीक्षक मुकेश पवार, पोलिस हवालदार मुकेश तावडे, सजन वाघ, पोलिस नाईक विशाल नागरे, बापू बागुल आदींच्या पथकाने केली आहे.