जिल्हाधिकारी कार्यालयाच्या आवारात स्वत:ला पेटवण्याचा धक्कादायक प्रकार

छत्रपती संभाजीनगर : जिल्ह्यातील जिल्हाधिकारी कार्यालयात एका तरुणाने आत्मदहनाचा प्रयत्न केल्याची धक्कादायक उघडकीस आली आहे. कंपनीने कामावरून काढलेल्या दोन माथाडी कामगारांनी अंगावर पेट्रोल ओतून घेत आत्मदहनाचा प्रयत्न केला. जिल्हाधिकारी कार्यालयाच्या ध्वजारोहण सोहळ्यानंतर ही घटना घडल्याने एकच गोंधळ उडाला. मात्र सुदैवाने पोलिसांच्या सतर्कतेमुळे दोन्ही तरुणाला ताब्यात घेण्यात आल्यामुळे अनुचित प्रकार टळला.राजेंद्र सरोदे, रवींद्र खंडागळे असं आत्महत्येचा प्रयत्न करणाऱ्या तरुणांची नावं आहेत.आत्मदहन करणाऱ्या तरुणांनी दिलेल्या माहितीनुसार, शासन स्थापित माथाडी मंडळाकडून नोंदणीकृत माथाडी कामगाराना कामावर रुजू करून घेण्यात यावे, यासाठी शेंद्रा येथील व्हॅरॉक इजिनिअरिंग कंपनीकडे अनेक वेळा विनवणी केली. उपोषणही केलं. त्यानंतर मोर्चाही काढला मात्र कंपनी त्याला प्रतिसाद देत नाही. या प्रकरणी आम्ही जिल्हाधिकारी यांना स्वतः भेटून माहिती दिली होती मात्र आम्हाला फारसा प्रतिसाद मिळाला नाही. त्यामुळे आत्मदहनाचा निर्णय घेतला.
IND vs SL: भारत-श्रीलंका पहिल्या वनडेमध्ये सुपर ओव्हर झाली असती; पंचांनी मान्य केली चूक; आयसीसीचा नियम जाणून घ्या…

कोल्हापुरात देखील आत्मदहनाचा प्रयत्न

कोल्हापुरात देखील तरुणाने जिल्हा परिषदेच्या आवारात आत्मदहन करण्याचा प्रयत्न केला. स्वातंत्र्य दिनादिवशी आपल्या मागण्या पूर्ण होत नाहीत यासाठी केलेल्या या आंदोलनामुळे पोलिसांची तारांबळ उडाली. कृष्णात भीमराव पाटील असं आंदोलन करणाऱ्या तरुणाचं नाव आहे. पंधराव्या वित्त आयोग निधीतून मंजूर असलेल्या सोलर पॅनल आणि इतर कामांची चौकशी व्हावी अशी मागणी भादोले येथील तरुणाने केली होती. या प्रकरणाची अधिकारी नेमून सखोल चौकशी करून संबंधितांवर कारवाई करावी यासाठी आत्मदहन करत आज आंदोलन केलं. २६ जुलै रोजी या तरुणांना आत्मदानाचा इशारा दिलेला होता.

धुळ्यात देखील आत्मदहनाचा प्रयत्न

धुळ्यात देखील असाच धक्कादायक प्रकार समोर आला आहे. नुकत्याच झालेल्या लोकसभा निवडणुकीत शिरपूर तालुक्यातील लौकी या गावात भारतीय जनता पक्षाच्या उमेदवाराचे पैसे वाटण्यात येत असल्याचा आरोप केला होता. मतदानाच्या दिवशी शिरपूर तालुक्यातील लौकी गावातील सामाजिक कार्यकर्ते सिद्धार्थ वाघ यांनी आक्षेप घेत संबंधित पैसे वाटल्याचा व्हिडिओ बनवून सोशल मीडियावर व्हायरल केला होता. या व्हिडिओची संपूर्ण धुळे जिल्ह्यात जोरदार चर्चा सुरू झाली होती.

मात्र, प्रशासकीय पातळीवर कुठल्याही प्रकारची दखल न घेतल्यामुळे त्यांनी स्वातंत्र्यदिनाच्या दिवशी आत्मदहन करण्याचा इशारा दिला होता. आज स्वातंत्र्य दिनाचे औचित्य साधत सामाजिक कार्यकर्ते सिद्धार्थ वाघ यांनी धुळे जिल्हाधिकारी कार्यालयात जोरदार घोषणाबाजी करत आत्मदहन करण्याचा प्रयत्न केला.