शेतात दबा धरुन बसले, मालक येताच धाड..धाड..गोळीबार, एकाची हत्या; सांगली हादरली

सांगली : सांगलीतील वाळवा तालुक्यातील कासेगाव येथे पैशांच्या देवाण घेवाणीतून गोळ्या झाडून खून केल्याची घटना घडलीय. पांडुरंग शिदें असं मयताचं नाव आहे. पांडुरंग शिदें हे शेतकरी असून त्यांचा काही जणांसोबत गेल्या काही दिवसांपासून पैशांच्या देवाण घेवाणीतून वाद सुरू होता. पांडुरंग शिदें हे कासेगाव येथील त्यांच्या शेतामध्ये सकाळी गेले होते. त्यावेळी उसाच्या शेतात दबा धरून बसलेल्या हल्लेखोरांनी पांडुरंग यांच्यावर गोळ्या झाडल्या. त्यानंतर ह्ल्लेखोरांनी घटनास्थळावरुन पलायन केले. अतिरक्तस्त्रावामुळे पांडुरंग शिद यांचा जागीच मृत्यू झाला.पांडुरंग शिंदे यांची गोळ्या घालून खून झाल्यानंतर खळबळ उडाली आहे. खुनाचे कारण अद्याप स्पष्ट झालं नसले तरी पैशांच्या देवाणघेवाणीतून हा खून झाल्याची चर्चा आहे. कासेगावपासून दोन ते तीन किलोमीटर अंतरावर पांडुरंग शिंदे यांची शेती आहे. निर्मनुष्य या ठिकाणी हा खून झाल्याने कोणीही प्रत्यक्षदर्शी नाही. त्यामुळे खुनाचा उलगडा करण्याचे आव्हान पोलिसांसमोर आहे. स्थानिक गुन्हे अन्वेषणचे बोलिस निरीक्षक सतीश शिंदे यांच्यासह पथक कासेगावमध्येच तळ ठोकून आहे. तसेच स्थानिक गुन्हे अन्वेषणची पथके विविध ठिकाणी रवाना करण्यात आली आहेत.
Sanjay Raut : बंदर का बेटा… शिंदे नाक घासत म्हणाले लेकाचं हॉस्पिटल चालत नाहीये, ठाकरेंनी खासदार केला, संजय राऊतांचा निशाणा

ठाकरेंच्या नेत्याच्या पुतण्यावर गोळीबाराचा प्रयत्न

दरम्यान, काही दिवसांपूर्वी अशीच एक घटना घडली होती. सांगलीच्या कवठेमहांकाळ येथे शिवसेना नेत्याच्या पुतण्यावर गोळीबाराचा प्रयत्न करण्यात आल्याची धक्कादायक घटना घडली. मात्र, रिव्हॉल्व्हर लॉक झाल्याने गोळीच उडाली नाही. त्यामुळे मोठी घटना टळली. ही धडकी भरवणारी घटना तिथल्या सीसीटीव्ही कॅमेऱ्यात कैद झाली. गोळी चालली नाही, त्यानंतर हल्लेखोराने घटना स्थळावरुन पळ काढला. या घटनेने परिसरात एकच खळबळ माजली होती.

सांगलीच्या कवठेमहांकाळमध्ये शिवसेना उद्धव ठाकरे गटाच्या नेत्याच्या पुतण्यावर गोळीबाराचा प्रयत्न झाल्याची घटना घडली. मात्र, हल्लेखोराकडे असलेली रिव्हॉल्व्हर लॉक झाल्याने गोळीच उडाली नाही; त्यामुळे मोठा अनर्थ टळला. ही संपूर्ण घटना हल्ल्याचा प्रयत्न झालेल्या ठिकाणी असलेल्या सीसीटीव्हीमध्ये कैद झाली. हल्लेखोर या प्रकारानंतर पसार झाला.
Kolkata Case: कोलकाता डॉक्टर प्रकरणात कुटुंबाला इंटर्न आणि डॉक्टरांवर संशय, वडिलांनी CBI ला दिली ३० नावं

कवठेमहांकाळ येथे शिवसेनेच्या उद्धव ठाकरे गटाचे नेते दिनकर पाटील यांचा पुतण्या अभिजित पाटील याच्यावर अज्ञात तरुणाने गोळीबाराचा प्रयत्न केल्याची माहिती समोर आली. मात्र रिव्हॉल्व्हर लॉक झाल्याने गोळी उडाली नाही. रात्री कवठेमहांकाळ शहरातील एका मोबाइल शॉपीमध्ये ही धक्कादायक घटना घडली. घटनेची शनिवारी रात्री उशिरापर्यंत पोलिस ठाण्यात नोंद झालेली नव्हती.