Tej Police Times
शिंदे नाक घासत म्हणाले लेकाचं हॉस्पिटल चालत नाहीये, ठाकरेंनी खासदार केला, संजय राऊतांचा निशाणा
मुंबई : माकडाच्या हातात मशाल, अशा शब्दात मुख्यमंत्री एकनाथ शिंदे यांचे सुपुत्र आणि शिवसेना खासदार डॉ. श्रीकांत शिंदे यांनी माजी मु्ख्यमंत्री उद्धव ठाकरे यांच्यावर निशाणा साधला होता. याविषयी प्रश्न विचारला असता, ठाकरे गटाचे राज्यसभा खासदार संजय राऊत यांनी श्रीकांत शिंदेंचा उल्लेख ‘माकडाचा मुलगा’ असा केला. त्यांचे वडील माझ्या मुलाची डॉक्टरकी चालत नाही, त्याला खासदार करा असं सांगत नाक घासत आले होते, ज्या उद्धव ठाकरेंनी खासदार केलं, त्यांच्यावर टीका करताना शरम वाटली पाहिजे, अशा शब्दात शिंदे पितापुत्रांना ठणकावलं.
उद्धव ठाकरे यांना महाविकास आघाडीचं प्रचार प्रमुख पद म्हणजे माकडाच्या हातात मशाल अशी तऱ्हा असल्याची टीका शिवसेना खासदार डॉ. श्रीकांत शिंदे यांनी केली होती, याविषयी बोलताना संजय राऊत म्हणाले, की “ते स्वतःच माकडाचा मुलगा (बंदर का बेटा) आहेत. ज्यांनी एक पक्ष चोरला आहे. बाळासाहेब ठाकरेंचा पक्ष… ज्या व्यक्तीला (श्रीकांत शिंदे) उद्धव ठाकरेंनी खासदार केलं, त्यांच्यावर बोलतात. यांची लायकी नव्हती, त्यांचे वडील आले. माझा मुलगा बेरोजगार आहे. त्याच्याकडे काही काम नाहीये, पण त्याच्याकडे डॉक्टरची डिग्री आहे. हॉस्पिटल चालवू शकत नाहीये. त्याच्याकडे वैद्यकीय ज्ञान नाहीये तरीही तो डॉक्टर आहे. त्याला खासदार बनवा. नाक घासत होते, अशी व्यक्ती उद्धव ठाकरेंबद्दल बोलत आहे. लाज वाटली पाहिजे. बेशरम आहेत ते…” अशा कठोर शब्दात संजय राऊत यांनी पलटवार केला.
उद्धव ठाकरे यांना महाविकास आघाडीचं प्रचार प्रमुख पद म्हणजे माकडाच्या हातात मशाल अशी तऱ्हा असल्याची टीका शिवसेना खासदार डॉ. श्रीकांत शिंदे यांनी केली होती, याविषयी बोलताना संजय राऊत म्हणाले, की “ते स्वतःच माकडाचा मुलगा (बंदर का बेटा) आहेत. ज्यांनी एक पक्ष चोरला आहे. बाळासाहेब ठाकरेंचा पक्ष… ज्या व्यक्तीला (श्रीकांत शिंदे) उद्धव ठाकरेंनी खासदार केलं, त्यांच्यावर बोलतात. यांची लायकी नव्हती, त्यांचे वडील आले. माझा मुलगा बेरोजगार आहे. त्याच्याकडे काही काम नाहीये, पण त्याच्याकडे डॉक्टरची डिग्री आहे. हॉस्पिटल चालवू शकत नाहीये. त्याच्याकडे वैद्यकीय ज्ञान नाहीये तरीही तो डॉक्टर आहे. त्याला खासदार बनवा. नाक घासत होते, अशी व्यक्ती उद्धव ठाकरेंबद्दल बोलत आहे. लाज वाटली पाहिजे. बेशरम आहेत ते…” अशा कठोर शब्दात संजय राऊत यांनी पलटवार केला.
दरम्यान, महाविकास आघाडीच्या मु्ख्यमंत्रिपदाच्या चेहऱ्याविषयी बोललं असता, संजय राऊत म्हणाले की “उद्धव ठाकरे बोलले म्हणजे बास झालं, ते महाविकास आघाडीचे नेते आहेत, राज्याचे माजी मुख्यमंत्री आहेत, त्यांचा चेहरा लोकांना मान्य आहे. ते स्वतःविषयी नाही बोलले. त्यांनी सांगितलं की काँग्रेस-राष्ट्रवादीने एक चेहरा जाहीर करावा, मी त्याला पाठिंबा द्यायला तयार आहे, हे सांगायला मोठं मन लागतं. दिलदारपणा लागतो. कोणात हिंमत असेल तर चेहरा द्यावा, उद्धव ठाकरेंनी स्पष्ट भूमिका घेतली आहे. काँग्रेस राष्ट्रवादीकडे चेहरा असेल, तर आम्हाला विचारण्याचीही गरज नाही, त्यांनी स्वतःच जाहीर करावं. आम्ही थेट पाठिंबा देऊ” असं उद्धव ठाकरे म्हणाल्याचं राऊत यांनी अधोरेखित केलं.