एकेकाळी आदित्य ठाकरेंचे खास, मातोश्रीच्या जवळचे; राहुल कनालांकडे शिंदेंनी सोपवली मोठी कामगिरी

मुंबई : मुख्यमंत्री एकनाथ शिंदे आणि उद्धव ठाकरे यांच्यात राजकीय शीतयुद्ध सुरुच आहे. दोन्ही नेते एकमेकांवर टीका करण्याची एकही संधी सोडत नाही. तसेच एकमेकांच्या गटातील बड्या व्यक्तींना आपल्याकडे खेचण्याची स्पर्धा सुरु आहे. आता एकनाथ शिंदे यांनी उद्धव ठाकरे आणि आदित्य ठाकरे यांना जोरदार धक्का दिला आहे.बॅालिवूड आणि क्रिकेट जगतात प्रसिद्ध असणाऱ्या राहुल कनाल यांच्या खांद्यावर मुख्यमंत्री एकनाथ शिंदे यांनी नवी जबाबदारी दिली आहे. सलमान खान, संजय दत्त विराट कोहली सुर्यकुमार यादव यांच्यासारख्या दिग्गज हिरोंच्या सोशल मीडियावर फेमस असणाऱ्या राहुल कनाल यांच्यावर आता शिवसेनेची सोशल मीडियाच्या राज्यप्रमुख पदी निवड करण्यात आली आहे. गेली अनेक वर्ष राहुल कनाल हे राजकीय, बॅालिवूड आणि क्रिकेट जगतातल्या लोकांसाठी काम करत आहे. आय लव्ह मुंबईच्या माध्यमातून राहुल कनाल यांनी मुंबईच नव्हे तर भारतभर काम केलं आहे.
Ajit Pawar: दरवेळी आपणच का? अजित पवारांवर त्यांच्याच नेत्यांचा दबाव वाढला; गुलाबी गटात चाललंय काय?

मुक्या प्राण्यांना अन्नदानापासून ते त्यांना राहण्याची व्यवस्था राहुल कनाल यांनी केली आहे. कोरना काळात राहुल कनाल यांनी केलेलं कामांची पोचपावती अनेक वेळा सोशल मीडियांच्या माध्यमातून अनेक सेलिब्रिटींनी दिलेली आहे. आता विधानसभेच्या तोंडावर राहुल कनाल यांच्या खांद्यावर मोठी जबाबदारी देण्यात आलेली आहे. एकेकाळी आदित्य ठाकरेंच्या जवळचे आणि मातोश्रीचे निकटवर्तीयांपैकी एक राहुल कनाल यांना मानलं जायचं. त्यामुळे सोशल मीडियाच्या प्रमुखपदी आल्यानंतर राहुल काही मोठे गौप्यस्फोट करणार का? हे पाहावं लागेल.