Tej Police Times
Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage

Video : बदलापूर स्टेशनमध्ये पोलिसांवर दगडफेक, आंदोलकांचे रौद्ररुप

9

बदलापूर : बदलापूरच्या कुळगाव येथील शाळेत अल्पवयीन विद्यार्थिनींवर झालेल्या लैंगिक अत्याचाराविरोधात बदलापुरात मोठा उद्रेक पाहायला मिळतो आहे. मंगळवारी सकाळपासूनच घटनेच्या निषेधार्थ आंदोलकांनी बदलापूर रेल्वे स्टेशनवर ठिय्या दिला होता. पोलीस आंदोलकांना समजावून सांगत होते, मात्र आंदोलक काही केल्या ऐकायला तयार नव्हते. आरोपीला फाशी द्या, अशा घोषणा आंदोलक देत होते. जवळपास तासभर प्रयत्न करूनही आंदोलक रेल्वे ट्रॅकवरून उठत नसल्याचे पाहून पोलिसांनी जरासे आक्रमक झाले. त्याचवेळी आंदोलकांनी देखील रौद्र रुप धारण करून पोलिसांच्या दिशेने दगडफेक केली.

बदलापूर शहरातील नामांकित शाळेत शिशुवर्गात शिकणाऱ्या दोन चिमुकलींवर शाळेतील सफाई कामगार अक्षय शिंदे याने अत्याचार केल्याची घटना शनिवारी समोर आली. या प्रकरणात गुन्हा दाखल करण्यात तसेच इतर तपासाच्या आणि वैद्यकीय बाबींमध्ये आणि आरोपीला पकडण्यात बदलापूर पूर्व पोलिस स्टेशनच्या वरिष्ठ पोलिस निरीक्षक शुभदा शितोळे आणि पोलिस प्रशासनाने उदासीन भूमिका घेत विलंब केल्याचा आरोप काही सामाजिक आणि राजकीय पक्षांच्या कार्यकर्त्यांनी केला होता. मंगळवारी सकाळी बदलापूर स्टेशनवर हजारो महिलांनी एकत्र येऊन घटनेचा निषेध व्यक्त केला. यावेळी महिलांनी लोकल ट्रेन रोखून धरल्या तसेच रिक्षा चालकांनीही रिक्षा बंद ठेवून आंदोलनाला पाठिंबा दिला.

तुमच्या भावना आम्ही समजू शकतो पण प्लीज ट्रॅकवरून बाजूला व्हा, पोलिसांची विनंती आंदोलकांनी धुडकावली

दरम्यान मंगळवारी सकाळपासून रेल्वे ट्रॅकवर सुरू असलेल्या आंदोलनाची दखल घेण्यासाठी मुंबई लोहमार्ग पोलीस आयुक्त रवींद्र शिसवे आले. त्यांनी आंदोलकांच्या मागण्या जाणून घेऊन सरकारपर्यंत तुमच्या भावना पोहोचवतो, असे सांगितले. आंदोलकांना हात जोडून विनंती करताना अनेक विद्यार्थी, आजारी रुग्णांची गैरसोय होत असल्याचे सांगत आपण ट्रॅकवरून बाजूला व्हावे, अशी विनंती शिसवे यांनी आंदोलकांना केली. मात्र आंदोलक ऐकायला तयार नव्हते. आरोपीला फाशी द्या, अशा जोरदार घोषणा आंदोलकांकडून सुरू होत्या.
मनसेचा गृहमंत्री असता तर जागेवर एन्काऊण्टर केला असता, बदलापूरच्या घटनेवर अविनाश जाधव यांचा संताप

अन् चिडलेल्या आंदोलकांनी पोलिसांवर दगडांचा वर्षाव सुरू केला

आंदोलक ऐकत नसल्याचो पाहून पोलिसांनी काहीसा आक्रमक पवित्रा घेतला. त्याचवेळी चिडडेल्या आंदोलकांनी पोलिसांवर जोरात दगडफेक करायला सुरुवात केली. या दगडफेकीत एक महिला आणि एक पोलीस जखमी झाले आहेत.

Source link

Leave A Reply

Your email address will not be published.