मुलगा नैराश्यात, मामेभावाच्या व्हॉट्सअपला अखेरचा मेसेज, १९ वर्षीय पोराचं टोकाचं पाऊल

बुलढाणा : बुलढाणा जिल्ह्यातील मलकापूर येथील एका १९ वर्षीय मुलाने नैराश्यातून आपली जीवनयात्रा संपल्याने संपूर्ण परिसरात एकच खळबळ माजली आहे. आई-वडील दवाखान्यात तसेच वयोवृद्ध आजोबा घराबाहेर बसले असताना या मुलाने गळ्याला ब्लेड मारून आत्महत्या केल्याची घटना बुधवारी दुपारी उघडकीस आली. मलकापूर येथील सलीपुरात घडलेल्या या घटनेमुळे एकच खळबळ उडाली आहे.मलकापूर येथील सालीपुरा भागातील पोलीस वसाहतीतील तेजस महादेव सोनवणे (वय १९) हा आई-वडील वयोवृद्ध आजी आजोबा समवेत एका खोलीत राहत होता. तो मलकापूर येथील विज्ञान महाविद्यालयात बी.एससी. कम्प्युटरच्या पहिल्या वर्षाचा विद्यार्थी होता. आजोबा समवेत तेजस घरी एकटाच होता. आजोबा घराबाहेर बसले होते. त्याने आधी स्वतःला खोलीमध्ये बंद करून घेतले. त्यानंतर व्हाट्सअपवर मामेभावाला मेसेज केला आणि हाताने ब्लेडने स्वतःच्या गळ्यावर वार केले. क्षणात तो रक्ताच्या थारोळ्यात जमिनीवर कोसळला. त्याचा जागी मृत्यू झाला.
Supriya Sule : मंचावरचे चेहरे मंत्रिमंडळात दिसणार, सुप्रिया सुळेंची टिपण्णी अन् काँग्रेस नेत्याची कळी खुलली

तेजसच्या मामेभावाने त्याला आलेली माहिती वडिलांना दिली. त्यांनी तात्काळ लगेच घराकडे भाव घेतली. तेजस घरात आढळून आला नाही. आजूबाजूला तो दिसेनासा झाला. त्यावेळी ते सर्व*Buldhana News: मुलगा नैराश्यात, मामेभावाच्या व्हॉट्सअपला अखेरचा मेसेज, १९ वर्षीय पोराचं टोकाचं पाऊल*शेजारी दाखल झाले. तेवढ्यात घराचे बंद दरवाजा उघडण्यात आले असता, रक्ताच्या थारोळ्यात तेजस मृत्युमूखी पडल्याचं दिसून आले. या घटनेची माहिती मिळताच सहाय्यक पोलीस निरीक्षक करुणाशील तायडे यांच्या मार्गदर्शनाखाली पोलीस पथक घटनास्थळी दाखल झाले. त्यांनी पंचनामा केला आत्महत्येसाठी वापरण्यात आलेले ब्लेड आणि मोबाईल ताब्यात घेण्यात आला आहे. पोलीस निरीक्षक गणेश गिरी यांच्या मार्गदर्शनाखाली पोलीस तपास करत आहेत.

अखेरचा व्हाट्सअप मेसेज!

आत्महत्यापूर्वी तेजसने मामेभावाला व्हाट्सअपवर मेसेज केल्याचे उघड झाले आहे. तेजस विज्ञान महाविद्यालयात बी.एससी. कम्प्युटरच्या पहिल्या वर्षाचा विद्यार्थी होता. त्याच्या मृत्यूचे कारण अद्याप तरी अस्पष्ट आहे. या घटनेमुळे तेजसच्या मित्रपरिवाराला जबर हादरा बसला आहे.

चिमुकल्याचा दुर्दैवी अंत

दरम्यान, काही दिवसांपूर्वी अशीच काहीशी हृदयद्रावक घटना घडली होती. बुलढाणा जिल्ह्यातील सिंदखेड राजा तालुक्यातील ढोरवी येथील इयत्ता तिसऱ्या वर्गात शिकणाऱ्या शाळकरी मुलाचा सर्पदंशाने दुर्दैवी मृत्यू झाल्याची घटना घडली. शिवराज दीपक मुरकुट, असे मृतक मुलाचे नाव होतं.

ढोरवी येथील शिवराज दीपक मुरकुत हा नऊ वर्षाचा बालक जिल्हा परिषद शाळेतील तिसऱ्या वर्गात शिकत होता. दरम्यान, १२ ऑगस्ट रोजी त्याला थोडासा ताप आल्याने शाळेत न जाता तो घरीच थांबला होता. सकाळी घरासमोरील अंगणात खेळत असताना अचानक सापाने त्याच्या पायाला दंश केला. सर्पदंश झाल्याचे लक्षात येताच त्याने आपल्या आईला सांगितले. लगेच तिथे जमलेल्या लोकांनी त्या सापाचा शोध घेऊन त्याला तात्काळ मारले आणि त्या मेलेल्या सापाला आणि शिवराजला घेऊन उपचारासाठी मलकापूर पांग्रा येथील खाजगी रुग्णालय गाठले. प्राथमिक उपचारानंतर त्याला बिबी येथील ग्रामीण रुग्णालयात हलविण्यात आले. मात्र, या चिमुकल्याचा दुर्दैवी अंत झाला.