Tej Police Times
बदलापूर प्रकरणात नवा ट्विस्ट! अक्षयच्या वडिलांचा धक्कादायक दावा, केली मोठी मागणी
ठाणे (बदलापूर) : बदलापूरच्या घटनेनंतर संपूर्ण राज्यभरात संतापाची लाट उसळली आहे. आरोपीला कठोरात कठोर शिक्षा व्हावी, यासाठी अख्खं बदलापूर रस्त्यावर उतरलं होतं. अशातच आता या प्रकरणात एक ट्विस्ट समोर आला आहे. शाळेतील लहान मुलींवर लैंगिक अत्याचार केल्याचा आरोप असलेल्या अक्षय शिंदे याच्या वडिलांनी एक खळबळजनक दावा केला आहे. माझ्या मुलाला या प्रकरणात फसवले जात असल्याचा दावा अक्षय शिंदे याच्या वडिलांनी केला. त्यामुळे आता या प्रकरणाला वेगळे वळण लागण्याची शक्यता आहे.
आरोपी अक्षयच्या कुटुंबाची मागणी
अक्षयची आई काय म्हणाली?
अक्षय शिंदेच्या घराची तोडफोड
आरोपी अक्षयच्या कुटुंबाची मागणी
अक्षय शिंदेच्या कुटुंबियांनी पोलीस ठाण्यात जाऊन तक्रार दाखल केली आहे की, त्यांना मारहाण करण्यात आली आहे. त्याचबरोबर त्यांनी अक्षयची पुन्हा मेडिकल चाचणी करण्याची मागणी केली आहे. त्यांच्या मते या चाचणीद्वारे आपल्या मुलाचा म्हणजे अक्षयच्या निर्दोषतेचा पुरावा मिळू शकतो.
अक्षयची आई काय म्हणाली?
अक्षयची आई म्हणाली, अक्षयला १५ दिवस झाले कामाला लागून, १३ तारखेला घटना घडली. अक्षयला १७ तारखेला घेऊन गेले. आम्हाला तिथल्या काम करणाऱ्या बाईने सांगितलं की, अक्षयला पोलीस घेऊन गेले. तेवढंच मला माहिती आहे. पोलीस माझ्या मुलाला मारु लागले, माझ्या लहान मुलाला पण मारलं. असं आरोपी अक्षयच्या आईने सांगितलं आहे.
अक्षय शिंदेच्या घराची तोडफोड
बुधवारी बदलापूरमध्ये अक्षय शिंदे राहत असलेल्या खरवई गावातील ग्रामस्थ आक्रमक झाले. अक्षय शिंदे खरवईपासून काही अंतरावर असलेल्या एका चाळीत राहतो. गावातील ग्रामस्थांनी बुधवारी त्याच्या घरात घुसून कुटुंबीयांना बाहेर काढलं आणि घरातील सामानाची तोडफोड केली. त्यानंतर गावकऱ्यांनी अक्षय शिंदे याच्या कुटुंबीयांना घरातून हाकलून लावत गाव सोडण्यास भाग पाडले.
Akshay Shinde: बदलापूर अत्याचार घटना; आरोपी अक्षय शिंदेच्या घराची तोडफोड, ग्रामस्थांना घरात सापडली…
अक्षयच्या घरात सापडली खेळणी
दरम्यान, आता एक मोठी माहिती समोर आली आहे. ग्रामस्थांनी अक्षय शिंदे याच्या घरावर हल्ला चढवला तेव्हा त्याच्या घरात लहान मुलांची खेळणी आढळली आहेत. ही खेळणी नेमकी आली कुठून? असा सवाल आता उपस्थित झाला आहे. याबाबत एसआयटी पथकाकडून तपास केला जाण्याची शक्यता आहे.