Akola News: मर्जीने संबंध ठेवल्याचं सांगेल, भाचीला एकटी गाठून मामाकडून अत्याचार

By tejpolicetimes On Aug 23, 2024

Akola Minor Girl Abused: पीडित मुलीच्या वडिलांनी पोलीस स्टेशनमध्ये आरोपी विरुद्ध तक्रार दिली. यानंतर पोलिसांनी तत्परतेने २० वर्षीय आरोपी मामाला अटक करून विविध कलमान्वये गुन्हे दाखल केले.

हायलाइट्स:
कोल्हापुरनंतर अकोल्यात धक्कादायक घटना
१० वर्षीय अल्पवयीन मुलीवर अत्याचार
आरोपी मामाला केली अटक 

Lipi

मामाचा भाचीवर लैंगिक अत्याचार

अकोला : राज्यात आणि देशात अल्पवयीन मुलींवर तसेच महिलांवर होणारे अत्याचार थांबता थांबत नाहीय. काल कोल्हापूरमध्ये एका अल्पवयीन मुलीवर तिच्यात नातेवाईकामधील नराधमाने अत्याचार केला. त्यानंतर त्या निष्पाप चिमुकलीची हत्या केली. या घटनेनंतर जिल्ह्यात संतापाची लाट उसळली. त्याचदरम्या, अकोला जिल्ह्यात अशीच एक संतापजनक घटना उघडकीस आली आहे. जिल्ह्यातील काझीखेड येथील घटना ताजी असताना अकोल्यात पुन्हा एका १० वर्षीय अल्पवयीन मुलीवर लैंगिक अत्याचाराची घटना उघडकीस आली आहे.तेल्हारा तालुक्यातील १० वर्षीय मुलगी शिक्षणासाठी अकोल्यातील आपल्या मामाकडे राहायला होती. एक महिन्याआधी घरी आई-वडील नसताना आरोपी मामा युवराज गवई (रा. हिंगणा, तामसवाडी) ने या मुलीवर लैंगिक अत्याचार केला. तर ”याबाबत कोणालाही सांगितल्यास तू माझ्यासोबत स्वत:च्या मर्जीने सर्व करत असल्याचं आपण तुझ्या वडिलांना सांगणार”, अशी धमकी पीडित मुलीला आरोपीने दिली. मात्र, रोज होणाऱ्या अत्याचाराला कंटाळून काल मुलीच्या भेटीला आलेल्या वडिलांना मुलीने सर्वकाही घटनाक्रम सांगितल्यानंतर आरोपीचे कृत्य उघडकीस आले.

Badlapur Case: सायकलमुळे प्रायव्हेट पार्टला जखम; बदलापूरमधील शाळा मुख्याध्यापिकेचा धक्कादायक दावा

पीडित मुलीच्या वडिलांनी पोलीस स्टेशनमध्ये आरोपीविरुद्ध तक्रार दिली. यानंतर पोलिसांनी तत्परतेने २० वर्षीय आरोपी मामाला अटक करून विविध कलमान्वये गुन्हे दाखल केले. या प्रकरणाचा अधिक तपास आता पोलीस करत आहे.

कोल्हापुरात १० वर्षीय मुलीची हत्या

दरम्यान, कोल्हापुरात १० वर्षांच्या मुलीची हत्या झाल्याची खळबळजनक माहिती समोर आली. कोल्हापूरच्या शिये गावातील राम नगर परिसरात ही घटना उघडकीस आली आहे. हत्या झालेली मुलगी बुधवारी, २१ ऑगस्टच्या दुपारपासून बेपत्ता होती. त्यानंतर मुलगी बेपत्ता असल्याची तक्रार करण्यात आली होती. काल गुरुवारी २२ ऑगस्ट रोजी मुलीची हत्या झाल्याची माहिती समोर आली आहे. मुलीवर अत्याचार करुन तिची हत्या केल्याचा संशय स्थानिकांनी व्यक्त केला आहे. या प्रकरणी एका संशयिताला पोलिसांनी ताब्यात घेतलं असून पोलीस पुढील तपास करत आहेत.

लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात…. आणखी वाचा

Source link