Tej Police Times
बदलापूरनंतर पालघर हादरले! आईवडील घरी नसल्याचे हेरत, आरोपीने अल्पवयीन मुलीवर केला अत्याचार
मुंबई : बदलापूर प्रकरण ताजे असतानाच आणखी एक धक्कादायक घटना मुंबईत घडली आहे. एका १२ वर्षीय अल्पवयीन मुलीवर शेजारील ४२ वर्षीय माणसाने अत्याचार केले आहेत. शनिवारी सांयकाळी पालघर शहरात ही घटना घडली आहे. अल्पवयीन मुलगी घरात एकटीच होती. अल्पवयीन मुलीचे आईवडील दोघेही कामाला बाहेर गेले होते. याच संधीचा फायदा घेत शेजारच्या व्यक्तीने घरात शिरकाव केला. अल्पवयीन मुलीचे आईवडील शेजारील व्यक्तीला चांगले ओळखत होते. याच गोष्टीचा फायदा घेत अल्पवयीन मुलीचे आईवडील घरी नसताना सुद्धा शेजारील व्यक्तीने अगदी सहजरित्या मुलीच्या घरात प्रवेश केला.
मुलीसोबत बोलण्याचा बहाणा करत शेजारील व्यक्ती थेट घरात शिरला. बळजबरीने शेजारील व्यक्तीने अल्पवयीन मुलीवर अत्याचार केले. अल्पवयीन मुलगी घडलेला प्रकार पाहून किंचाळू लागली ओरडू लागली. अशावेळी शेजारील व्यक्तीने कोणी घटनास्थळी येण्याआधीच आरोपीने जागेवरुन पळ काढला. स्थानिक लोकांनी आणि शेजाऱ्यांनी घडलेला प्रकार अल्पवयीन मुलीचे आईवडील येताच त्यांच्या कानावर घातले. पालकांनी तात्काळ घटनेची गांभीर्य लक्षात घेत पोलीस स्थानकात धाव घेतली. आरोपीने त्याचा फोन सध्या बंद केला असून पोलीस संबंधित व्यक्तीचा अधिक तपास करत आहेत. तसेच त्या व्यक्तीवर याआधी सुद्धा काही गुन्हा दाखल आहे का? याची सुद्धा माहिती पोलीस शोधत आहे.
तर दुसरीकडे अशीच एक घटना भंडारा जिल्ह्यात घडली आहे. एका ३० वर्षीय किराणा दुकानदाराने दहा वर्षांच्या मुलीचा विनयभंग केल्याची घटना तुमसर शहरात घडली. या प्रकरणी मुलीच्या आईच्या तक्रारीवरून तुमसर पोलिसांनी ‘पोक्सो’अंतर्गत गुन्हा दाखल करून आरोपीस अटक केली आहे. हितेश रामपालसिंग राजपूत (रा. विनोबानगर, तुमसर) असे अटक करण्यात आलेल्या आरोपीचे नाव आहे. मुलीच्या आईने दिलेल्या तक्रारीनुसार, २२ ऑगस्ट रोजी रात्री आठच्या सुमारास अल्पवयीन मुलगी हितेशच्या घरी असलेल्या किराणा आणि जनरल स्टोर्स दुकानात नोटबुक व खाऊ घेण्याकरिता गेली असता आरोपीने मुलीला पैसे परत करत असताना तिचा विनयभंग केला. पोलिसांनी आरोपीविरुद्ध गुन्हा नोंदवून अटक केली आहे.