Tej Police Times
रत्नागिरी : मागील काही दिवसांपासून मुलींवर आणि महिलांवर अत्याचाराच्या घटना वाढत असल्याचे अनेक प्रकार समोर आले आहेत. असाच काहीसा संशयास्पद प्रकार रत्नागिरी येथील चंपक मैदान परिसरात घडल्याचा धक्कादायक प्रकार समोर आला आहे. रत्नागिरी शहराजवळ चंपक मैदानावर एक तरुणी बेशुद्ध अवस्थेत आढळल्याने मोठी खळबळ उडाली आहे. बेशुद्ध अवस्थेत दिसलेल्या या तरुणीच्या शरीरावर काही जखमा आढळल्याने संशय वाढला आहे.
तरुणी बेशुद्ध अवस्थेत आढळली
देवरुख परिसरातील असलेल्या या तरुणीला न्याय मिळाला पाहिजे, यासाठी दोषीला कडक शिक्षा व्हावी अशी मागणी करत रत्नागिरीतील जिल्हा शासकीय रुग्णालयातील परिचारिका सोमवारी संध्याकाळी रस्त्यावर उतरल्या आणि त्यांनी जोरदार निदर्शनं केली.
सोमवारी सकाळी एक तरुणी देवरुख येथून रत्नागिरीमध्ये आली आणि साळवी स्टॉप येथून ती तिच्या निवासस्थानाकडे जात असताना एका रिक्षात बसली होती. मात्र त्यानंतर ती चंपक मैदान येथे बेशुद्ध अववस्थेत दिसल्याने मोठी खळबळ उडाली आहे. बेशुद्ध अवस्थेत आढळलेल्या या तरुणीला तात्काळ जिल्हा शासकीय रुग्णालयात उपचारासाठी दाखल करण्यात आलं आहे. ती गंभीर जखमी असल्याचं आढळून आलं आहे.
Ukraine Drone Attack In Russia : युक्रेनकडून रशियावर भीषण ड्रोन हल्ला, ९/११ सारख्या हल्ल्याने हादरला देश
परिचारिकांची रस्त्यावर उतरुन निदर्शनं
जखमी तरुणी एका खाजगी रुग्णालयात परिचारिका म्हणून काम करत होती. त्यामुळे आपल्या भगिनीवर झालेल्या अत्याचाराच्या विरोधात या सर्व परिचारिका रस्त्यावर उतरल्या आणि त्यांनी जिल्हा शासकीय रुग्णालयाच्या बाहेर जोरदार निदर्शनं केली. या प्रकरणातील संबंधित दोषीला तात्काळ पकडावं आणि त्याच्यावर कडक कारवाई करावी अशी मागणी या परिचारिकांनी केली आहे. यावेळी शहर पोलीस निरीक्षक तोरसेकर हेही जिल्हा शासकीय रुग्णालयात उपस्थित होते. आता या प्रकरणांमध्ये शहर पोलीस काय भूमिका घेतात आणि तपास कुठपर्यंत जातो याकडे सर्वांचं लक्ष लागलं आहे.
या सगळ्या घटनेची गंभीर दखल जिल्हा पोलीस अधीक्षक धनंजय कुलकर्णी यांनी घेतली असून युद्धपातळीवर तपास सुरू केला आहे. शहर पोलीस निरीक्षक तोरसेकर हे घटनास्थळी दाखल झाले असून शहर पोलिसांचा तपास वेगाने सुरू आहे. या पार्श्वभूमीवर सोमवारी संध्याकाळी तपास सुरू असतानाच जिल्हा शासकीय रुग्णालयातील सर्व परिचारिका रस्त्यावर उतरल्या आहेत.