Tej Police Times
Sangita Thombare : माजी आमदाराच्या गाडीवर बीडमध्ये दगडफेक, घटनेत चालकासह ठोंबरे जखमी
बीड, दीपक जाधव : केज विधानसभेच्या माजी आमदार प्रा. संगीताताई ठोंबरे या केज तालुक्यातील दहिफळ वड माऊली येथील लोकशाहीर आण्णाभाऊ साठे यांच्या जयंती निमित्त दहिफळ वडगाव येथ गेले असता अण्णाभाऊ साठे यांना अभिवादन करून सायंकाळी ६:०० वाजता त्या ऋषी गदळे घरी चहापाण्यासाठी जात असताना विजय उत्तमराव गदळे यांनी त्यांच्या गाडीवर दगडफेक केली. यात गाडीचा ड्रायव्हरच्या बाजूचा काच फुटून तो दगड गाडीचा चालक किशोर बबन मोरे याला लागला. त्या नंतर तोच दगड गाडीमध्ये बसलेल्या माजी आमदार संगीता ताई ठोंबरे यांना लागून त्याही जखमी झाले आहेत. त्यांच्यावर उपजिल्हा रुग्णालय केज येथे उपचार चालू आहे दरम्यान याप्रकरणी पोलिसात तक्रार नोंदवण्याची प्रक्रिया सुरू आहे.
विशेष म्हणजे ठोंबरे या भारतीय जनता पक्षाच्या माजी आमदार असून विधानसभेच्या गेल्या निवडणुकीत त्यांना उमेदवारी दिली गेली नव्हती. मात्र, काही दिवसांपूर्वी ठोंबरे यांनी पत्रकार परिषद घेऊन विधानसभा निवडणूक लढवणार असल्याचे सांगितले होते. त्या गेल्या काही दिवसांपासून राष्ट्रवादी कॉंग्रेस शरदचंद्र पवार गटाच्या संपर्कात होत्या.
बातमी अजून अपडेट होत आहे..