धक्कादायक! राष्ट्रवादीच्या माजी नगरसेवकावर भरचौकात गोळीबार, नंतर केला कोयत्याने सपासप वार

कसा घडला गुन्हा?

गोळीबार करून हल्लेखोरांनी कोयत्याने वार केले अशी माहिती प्रकरणातील मिळत आहे. आधी परिसरातील आणि नानापेठ चौकातले लाईट आरोपींनी घालवले त्यानंतर वनराज आंदेकर यांना एकटा असल्याचे पाहून हल्लेखोरांनी हल्ला केला. काही कामानिमित्त आंदेकर नानापेठेत गेल्याची माहिती प्राप्त होत आहे. आंदेकर यांचा काही घरगुती कार्यक्रम असल्यामुळे आंदेकर यांच्यासोबत इतर सहकारी किंवा कार्यकर्ते नव्हते. हल्लेखोरांनी नेमकी हीच संधी साधून हल्ला केला. आधी बाइकवरुन आलेल्या तीन ते चार जणांनी वनराज आंदेकर यांच्यावर गोळ्या झाडल्या आणि त्यानंतर कोयत्याने सपासप वार केले. गंभीर जखमी झालेल्या आंदेकर यांना तातडीने केएम रुग्णालयात दाखल करण्यात आले परंतू त्यांची प्राणज्योत मालवली.

घटनेतील संशयित आरोपी म्हणून गणेश लक्ष्मण कोमकर, सोमनाथ सयाजी गायकवाड, तुषार आबा कदम अशी नावे समोर येत आहे. पोलीसांनी गुन्हा नोंदवत पुढील प्रक्रिया सुरु केली असल्याची माहिती सूत्रांकडून मिळत आहे.