ST Bus Strike : एसटी कर्मचाऱ्यांचा अघोषित संप बेकायदेशीर, औद्योगिक न्यायालयाने ओढले ताशोरे

By tejpolicetimes On Sep 3, 2024

maharashtra st bus strike : औद्योगिक न्यायालयाने एसटी कर्मचाऱ्यांचा अघोषित संप बेकायदेशीर आहे असं म्हणत कर्मचाऱ्यांवर ताशोरे ओढले आहे. तसेच या संपात सहभागी झालेल्या संघटना व कर्मचाऱ्यांना संपात सहभागी न होता तातडीने कामावर रुजू होण्याचे आदेश न्यायालयाकडून देण्यात आले आहेत.

Maharashtra Times

मुंबई : महाराष्ट्रातील एसटी कर्मचाऱ्यांनी आज राज्यभरात संप पुकारला आहे. या संपामुळे प्रवाशांचे मोठे हाल झाल्याचे पाहायला मिळाले. अशातच आता या संपाबाबत मोठी अपडेट समोर आली आहे. औद्योगिक न्यायालयाने एसटी कर्मचाऱ्यांचा अघोषित संप बेकायदेशीर आहे असं म्हणत कर्मचाऱ्यांवर ताशोरे ओढले आहे. तसेच या संपात सहभागी झालेल्या संघटना व कर्मचाऱ्यांना संपात सहभागी न होता तातडीने कामावर रुजू होण्याचे आदेश न्यायालयाकडून देण्यात आले आहेत.

अन्यथा एफआयआर दाखल करा

कामावर रुजू होणाऱ्या कर्मचाऱ्यांना अटकाव करणाऱ्या संपकऱ्यावर एफआयआर दाखल करण्याचे आदेश न्यायालयाने स्थानिक एसटी प्रशासनाला दिले गेले आहेत. तसेच या घटनेचे पुराव्यासाठी चित्रिकरण करण्याच्या सूचना देण्यात आल्या आहेत. संपाच्या पार्श्वभूमीवर वाहतूक ठप्प होऊ नये यासाठी उद्यापासून दीर्घ काळासाठी करार पध्दतीने चालक व इतर आवश्यक कर्मचारी नेमण्यासाठी एसटी प्रशासनाची चाचपणी सुरू आहे.
Maharashtra Assembly Election: हवी विधानसभेची जागा, पण अडथळा ठरताहेत दादा; भाजप, राष्ट्रवादीत ‘२१ अनपेक्षित’, संघर्ष तीव्र

14 ते 15 कोटी रुपयांचा महसूल बुडाला

आज दिवसभरात 11 कामगार संघटनांच्या कृती समितीने पुकारलेल्या आंदोलनाच्या पार्श्वभूमीवर राज्यभरातील एसटीच्या 251 पैकी 59 आगार पुर्णतः बंद होते. 77 आगारांमध्ये अंशतः वाहतूक सुरू होती. तर 115 आगारामध्ये पुर्णतः वाहतूक सुरळीत सुरू होती. दिवसभरात 22389 नियोजित फेऱ्या पैकी आंदोलनामुळे 11943 फेऱ्या रद्द झाल्या आहेत. दिवसभर सुमारे 50% वाहतूक बंद होती. या आंदोलनामुळे एसटीचा दिवसभरात अंदाजे 14 ते 15 कोटी रुपयांचा महसूल बुडल्याची माहिती आहे.

दरम्यान, एसटी चालकांनी 2021 मध्ये देखील आंदोलन केलं होतं. त्यावेळी जवळपास दोन महिने दिवस बसची चाके थांबली होती. त्यानंतर आता पुन्हा
संप पुकारण्यात आला आहे. आर्थिक बाबी, खासगीकरण अशा विविध मागण्या विधानसभेची आचारसंहिता लागण्याआधी मान्य करा, असा इशारा देत एसटी कर्मचारी संघटनेने आजपासून बेमुदत संप पुकारला आहे. एसटी कर्मचाऱ्यांना शासकीय नियमानुसार वेतन देण्याचे आश्वासन मुख्यमंत्र्यांनी दिले होते. मात्र मुख्यमंत्र्यांनी दिलेली मुदत उलटून गेल्यानंतरही कर्मचाऱ्यांना त्यांच्या हक्काचे वेतन मिळत नसल्याने ऐन गणेशोत्सव काळात एस्टी कर्मचाऱ्यांनी संपाचे हत्यार उपसले आहे.

लेखकाबद्दलअजित भाबडअजित भाबड, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. अजित यांनी आबासाहेब गरवारे कॉलेजमधून पत्रकारितेची मास्टर्स पदवी मिळवली आहे. त्यांना राजकीय, सामाजिक, अंतरराष्ट्रीय तसेच कृषी क्षेत्रातील विश्लेषणात्मक बातम्या लिहिण्याची आवड आहे…. आणखी वाचा

Source link