रितेश देशमुखला वाघनख पाहण्याचा मोह आवरला नाही; बिग बॉसमध्ये बिझी असताना गाठलं हे ठिकाण

अभिनेता रितेश देशमुख सध्या बिग बॉसच्या माध्यमातून पुन्हा एकदा चर्चेत आले आहेत. ते बिग बॉस शोमध्ये बिझी असतानाही त्यांनी वेळात वेळ काढून साताऱ्यातील निसर्गरम्य परिसरात एक मराठी चित्रपट निर्माण करायचा आहे. या उद्देशानेच दोन दिवस साताऱ्यात भटकंती केली आहे. त्यामध्ये साताऱ्यातील मेणवली घाट, वाई, पाचगणी, महाबळेश्वरचा परिसर तसेच साताऱ्यातील संगममाहूली, ठोसेघर, कास अशी अनेक चित्रपटाची लोकेशन पाहून ती लोकेशन कॅमेराबंद केली आहेत.

याच दरम्यान त्यांनी साताऱ्यात छत्रपती शिवाजी महाराज वस्तूसंग्रहालयात भेट देऊन वाघनखची ही पाहणी केली आहे. लंडन येथून गेल्या महिन्यात साताऱ्यातील वस्तूसंग्रहालयात आणण्यात आलेली ऐतिहासिक वाघनखे, शस्त्र तसेच सोने-चांदीच्या मुद्रा व नाणी पाहून त्याने समाधान व्यक्त केले. आपला वैभवशाली इतिहास आपण जपायला हवा, अशी अपेक्षाही देशमुख याने व्यक्त केली.
बारामतीत राष्ट्रवादीला चिमटा! शहरात झळकले देवाभाऊंचे फ्लेक्स, अजित पवारांचा फोटो न लावता डिवचण्याचा प्रयत्न

वाघनख्यांबरोबरच सातारच्या वस्तूसंग्रहालयात असलेले दुर्मिळ शिवकालीन वस्तू पाहून त्यांनी समाधान व्यक्त करत या दुर्मिळ वस्तू पहिल्यांदाच पाहायला मिळाले आहेत, त्याने म्हटले आहे. वस्तूसंग्रहालय अभिरक्षक प्रवीण शिंदे यांनी ‘शिवशस्त्रशौर्यगाथा’ हे पुस्तक भेट देऊन रितेश देशमुख याचे स्वागत केले. या वेळी निखिल साने, संदीप पाटील, मंदार शेंडे, महेश शेलार, सूरज बाबर, नारायण शिंदे आदी उपस्थित होते.
Rajkot Statue Incident: देवेंद्र फडणवीसांच्या मतदारसंघात लागलेल्या पोस्टरची राज्यभरात चर्चा; थेट महाराजांची माफी मागितली!

शिवशस्त्र प्रदर्शनात शिवकालीन शस्त्र दालन, वस्त्र दालन, नाण्यांचे दालन व इतर दुर्मिळ वस्तू पहावयास मिळतील. वस्तूसंग्रहालयाची सजावट करून विद्युत रोषणाई करण्यात आली आहे.

लंडन येथील व्हिक्टोरिया अल्बर्ट म्युझियम येथून वाघनखे आणण्यात आली आहेत. ही शिवकालीन वाघनखे वस्तूसंग्रहालयातील दालन क्रमांक तीनमध्ये ठेवण्यात आली आहेत. वाघनखाच्या संरक्षणासाठी सीसीटीव्ही कॅमेरे, सेन्सार तसेच संरक्षण यंत्रणेने बंदोबस्त चोख ठेवला आहे. दररोज सातारा जिल्ह्यातील प्रत्येकी दोन शाळेच्या विद्यार्थ्यांना वाघनखे पाहण्यास नि:शुल्क उपलब्ध करून देण्यात येणार आहेत. जिल्ह्यातील इतर प्रेक्षकांना प्रति १० रुपये तिकीट आकारण्यात येणार आहे. दररोज सकाळी १० ते सायंकाळी ५ या वेळेत वाघनखे पाहण्यास खुले राहणार आहे.