Tej Police Times
राजकारण करायचे असेल तर थेट राजकारणात उतरावं, आरक्षणाच्या आड राहून राजकारण नको; जरांगेंना आमदाराचा सल्ला
सोलापूर जिल्ह्यातील बार्शीचे आमदार राजेंद्र राऊत आणि जरांगे पाटील यांच्यात दोन दिवसांपासून एकमेकांवर आरोप-प्रत्यारोप सुरू आहेत. राजेंद्र राऊत यांनी मनोज जरांगे पाटील यांच्या समोर पुन्हा एकदा नवे आवाहन केले आहे. आरक्षणाच्या मुद्द्यावर ठाम राहा, नाही तर राजकारण करायचे असेल तर राजकारण करा, त्याचा आम्ही विरोध करणार नाही, असा सल्ला राजेंद्र राऊत यांनी मनोज जरांगे पाटील यांना दिला आहे. तुमचे विचार पटले तर आम्ही तुमच्या मागे येऊ, आगामी निवडणूकीत तुमची माणसं उभी करा, त्यांना निवडून देऊ असेही राजा राऊत यांनी स्पष्टपणे सांगितले. परंतु आरक्षणाच्या आड राहून राजकारण करू नका, प्रामाणिक मराठा राहा असा सल्ला राजा राऊत यांनी जरांगे पाटील यांना दिला आहे.