Pune : दुसऱ्या लिफ्टने जा, असं म्हणताच डिलिव्हरी बॉयकडून सुरक्षा रक्षकाला मारहाण

नेमकं काय घडलं?

मिळालेल्या माहितीनुसार, पिंपरी चिंचवडच्या रावेत परिसरामध्ये एका खाजगी कंपनी डिलिव्हरी बॉय डिलिव्हरी घेऊन आला होता. मात्र त्याला एका सोसायटीतील सुरक्षा रक्षकाने दुसऱ्या लिफ्टने जाण्यासाठी सांगितले होते. या गोष्टीचा डिलिव्हरी बॉय राग आला. त्यानंतर डिलिव्हरी बॉयने त्याच्या साथीदारांना बोलावून सुरक्षा रक्षकाला लाकडी दांडक्याने बेदम मारहाण केली. व्हीला या सोसायटीमध्ये ही घटना घडली आहे. या घटनेत सुरक्षा रक्षक जखमी झाला आहे. या प्रकरणात रावेत पोलीसांनी डिलीव्हरी बॉय आणि त्याच्या सर्व साथीदारांना ताब्यात घेतलं आहे. त्यांच्यावर मारहाण केल्या प्रकरणी गुन्हा दाखल करण्यात आला आहे.
Ajit Pawar: बारामतीला एकदा माझ्याशिवाय दुसरा आमदार मिळायला हवा, मग तुम्हाला…; दादांकडून कोणते संकेत?

आरोपीवर गुन्हा दाखल

या मारहाणप्रकरणी पिंपरी चिंचवड पोलीस स्टेशनमध्ये डिलिव्हरी बॉय आणि त्याच्या साथीदारांवर गुन्हा दाखल करण्यात आला आहे. सदर घटनेचा व्हिडिओ सीसीटीव्हीमध्ये कैद झाला असून त्यात आरोपी सुरक्षारक्षकाला बेदम मारहाण करताना दिसत आहे.

दरम्यान, पुणे शहरासह पिंपरी चिंचवडमध्ये मारहाणीच्या घटनांमध्ये प्रचंड वाढ होताना पाहायला मिळत आहे. घटनेत जखमी झालेल्या सुरक्षा रक्षकावर रुग्णालयात उपचार सुरू आहेत. डिलिव्हरी बॉयलर राग अनावर झाल्यामुळे हा संपूर्ण प्रकार घडला. याप्रकरणी अधिक तपास रावेत पोलिसांकडून केला जात आहे. काही दिवसांपूर्वी पुण्यात एका व्यक्तीने मोबाईलचे हॉटस्पॉट न दिल्याने त्याच्यावर कोयत्याने वार करत हत्या केल्याची घटना घडली आहे. वारंवार वेगवेगळ्या गुन्ह्यांच्या घटना समोर येत आहेत. यामुळे पुणे पोलिसांच्या कामगिरीवर प्रश्न उपस्थित झाले असून ही वाढती गुन्हेगारी कधी आटोक्यात येणार असा प्रश्न नागरिकांकडून विचारला जात आहे.