धावत्या बसचा अचानक टायर फुटला, महामार्गावर घडला विचित्र अपघात; दहा ते अकरा प्रवासी गंभीर जखमी

कसा घडला अपघात?

रविवारी ८ सप्टेंबर रोजी सायंकाळच्या दरम्यान कर्नाटक राज्यातील खाजगी बस पुण सोलापूर महामार्गावरुन जात होती. यावेळी खासगी बसचा अचानक टायर फुटल्याने लोखंड वाहतूक करणाऱ्या एका ट्रकला बसने धडक दिली. यानंतर ही खासगी बस पुणे- सोलापूर राष्ट्रीय महामार्ग ओलांडून जवळपास २५ फूट खाली जाऊन रस्ताच्या पलीकडे आदळली. बसमधील एकूण ११ ते १२ प्रवासी दुर्घटनेत गंभीर जखमी झाले आहेत. याच जखमींना इंदापूर पोलिसांनी शासकीय रुग्णालयात उपचार करण्यासाठी तातडीने दाखल केले आहे. या घटनेची माहिती मिळताच इंदापूर पोलिस आणि राष्ट्रीय महामार्गाचे पथक या ठिकाणी दाखल तत्काळ दाखल झाले, त्यांनी जखमी प्रवाशांना बाहेर काढत उपचारासाठी इंदापूरला पाठवले तसेच रस्त्यावरील वाहतूक सुरळीत केली.

एम.एच.०९ के. एफ.५९६९ क्रमांकाची ही खाजगी बस होती. सोलापूर जिल्ह्यातील सांगोला मधून पुण्याच्या दिशेने ही बस निघाली होती अशी माहिती मिळत आहे. इंदापूर पासून दोन ते अडीच किलोमीटर अंतरावर ती टि.एन.९३बी ३०६२ क्रमांकाचा मालवाहु ट्रक पुण्याच्या दिशेने निघाला होता. अचानक बसचे टायर फुटल्याने बसने मालवाहू ट्रकला धडक दिली. या अपघातात ट्रक मधील असणारा लोखंड देखील रस्त्यावर विखुरला गेला तर बस पुणे – सोलापूर राष्ट्रीय महामार्ग ओलांडून थेट २५ फूट रोडच्या बाहेर जाऊन आदळली. सुदैवानं या दुर्घटनेत कोणतीही जीवित हानी झाली नसली तरी मात्र बसचा आणि या खाजगी मालवाहू ट्रकच्या मोठ्या नुकसान झाले. जखमींवर इंदापुरातील उपजिल्हा रुग्णालयात उपचार सुरू आहेत.