गणपती विसर्जनानंतर ‘स्त्री २’ची जादू ओसरली? बॉक्स ऑफिसवर झाली इतकीच कमाई

By tejpolicetimes On Sep 18, 2024

Stree 2 Box Office : राजकुमार राव आणि श्रद्धा कपूरचा हॉरर कॉमेडी चित्रपट ‘स्त्री २’ ने आतापर्यंत जगभरातील कलेक्शनमध्ये ७९८ कोटी रुपयांचा आकडा पार केला आहे. पण गणेशोत्सवानंतर त्याच्या कमाईत घट झाली आहे.

हायलाइट्स:

राजकुमार राव आणि श्रद्धा कपूरचा हॉरर कॉमेडी चित्रपट ‘स्त्री २’ ने अनेक विक्रम केले.
‘स्त्री २’ चित्रपटाने ३४ व्या दिवशी सर्वात कमी कमाई केली
जगभरात ८०० कोटींच्या जवळपास कमाई

महाराष्ट्र टाइम्स.कॉम

मुंबई– राजकुमार राव आणि श्रद्धा कपूरचा हॉरर कॉमेडी चित्रपट ‘स्त्री २’ च्या कमाईने महिन्याभरात अनेक रेकॉर्ड मोडीत काढले. या चित्रपटाने पहिल्याच दिवशी अनेक चित्रपटांचे रेकॉर्ड तोडले होते. पण आता महिनाभरानंतर म्हणजेच ३४ व्या दिवशी या सिनेमाने सर्वात कमी कमाई केलो आहे. पहिल्याच दिवशी ५१.८ कोटींची कमाई करुन या हॉरर कॉमेडी चित्रपटाने नवा इतिहास रचला होता. हा चित्रपट प्रदर्शित होऊन एक महिन्याहून अधिक काळ लोटला आहे. मात्र, ३४ व्या दिवशी चित्रपटाची कमाई सुरूच आहे. मात्र, त्यात थोडी घट झालीय. केवळ ५० कोटी रुपयांचे बजेट असलेला हा चित्रपट देशातील नंबर वन कमाई करणाऱ्या ‘बाहुबली २’ च्याही पुढे गेला आहे.

तोंडावर पैसे फेकत लकीकडून आरतीच्या मातृत्वाचा अपमान, सावनीने मुक्ता-आशु विरुद्ध सागरचे भरले कान
राजकुमार राव, श्रद्धा कपूर, पंकज त्रिपाठी यांचा चित्रपट ‘स्त्री २’ मंगळवारी पहिल्यांदा थोडासा सुस्त वाटला, पण तरीही सिनेमाची हवा अगदीच कमी झाली असे म्हणता येणार नाही. येत्या वीकेंडला हा चित्रपट आपली काय जादू दाखवेल त्यावरुन त्याचे भविष्य ठरेल.

अपमानित होऊन बिग बॉसमधून बाहेर! पण आर्याला लोकांचा प्रचंड सपोर्ट,अमरावतीत रॅलीतून जंगी स्वागत
‘स्त्री २’ ने ३४ व्या दिवशी आतापर्यंतची सर्वात कमी कमाई केली

अमर कौशिक दिग्दर्शित या चित्रपटाची चाहते खूप दिवसांपासून वाट पाहत होते. पण हा सिनेमा रिलीज होताच चित्रपटगृहांमध्ये एवढा हिट होईल याची कोणालाच कल्पना नव्हती. या चित्रपटाने मोठ्या चित्रपटांना एका झटक्यात पराभूत केले. Sacnilk च्या अहवालानुसार, ‘स्त्री २’ ने ३४ व्या दिवशी म्हणजेच ५ व्या मंगळवारी आतापर्यंतची सर्वात कमी कमाई (२.५० कोटी रुपये) केली आहे. याआधी २९ व्या दिवशीही घसरण झाली होती, मात्र त्या दिवशीही चित्रपटाने २.७५ कोटींची कमाई केली होती. देशात सिनेमाने आतापर्यंत सुमारे ५६०.३५ कोटी रुपये कमावले आहेत.

गणपती विसर्जनानंतर ‘स्त्री २’ची जादू ओसरली? बॉक्स ऑफिसवर झाली इतकीच कमाई

स्त्री २ चे चित्रपटाचे वर्ल्डवाइड कलेक्शन

जगभरातील कलेक्शनबद्दल बोलायचे झाले तर या चित्रपटाने खूप तिसऱ्या दिवशीच १०० कोटींच्या क्लबमध्ये प्रवेश केला आहे. या चित्रपटाने ३३व्या दिवशी जगभरात ७९८ कोटींची कमाई केली. तर परदेशात आतापर्यंत १३० कोटींचा टप्पा पार केला आहे. भारतात एकूण ६६५.७५ कोटी रुपये कमावले आहेत.

लेखकाबद्दलआकांक्षा तळेकरआकांक्षा तळेकर, महाराष्ट्र टाइम्स ऑनलाइनमध्ये कार्यरत असून पत्रकारितेमध्ये पदवी शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा ३ वर्षांचा अनुभव आहे.तसेच माझी सहेली मॅगझिन मध्ये १ वर्षाचा अनुभव
आणि आता मटा ऑनलाइनमध्ये आहे. मनोरंजनसोबतच गुन्हेगारीविषयक बातम्यांमध्ये रस…. आणखी वाचा

Source link